Recent Posts

Breaking News

Mga motor stop gimando ni Ligan


HUMAN masikop ang usa ka food delivery driver sa Barangay Ermita, siyudad sa Sugbo sa miaging semana ug nakuhaan og usa ka kilo sa gituohang shabu nga mobalor kini sa P6.8 milyunes, ang hepe sa Cebu City Police Office (CCPO) mimando sa tanang station commanders nga ipatuman ang estriktong motor stop o checkpoint.

Matod ni Police Colonel Josefino Ligan, direkto sa CCPO, ang mga quarantine checkpoints sa kabarangayan magpabilin nga mosusi sa mga kargamento apan kinahanglan nga adunay mohimog random motor stops sanglit dali ra sila nga makalusotlusot ning panahon sa pandemic.

Ang mga motorsiklo ilabi na sa mga food delivery dili estrikto nga gisita sa mga pulis tungod kay mopakita lang sa ilang ID apan karon kinahanglan na sila nga susihon pag-ayo, matod ni Ligan.

“Actually not only for delivery kanang mag conduct gyud silag motor stop labi na aning motorcycles nato kay mao lagi bisan asa lang man ni sila easy access kaayo sila, will be conducting random motor stop checkpoints gyud,” matod ni Ligan.

Dugang ni Ligan nga sukad gipahugtan ang kadalanan sa quarantine checkpoints daghan na silag nadakpan nga mga tawo nga nag tinguha nga mopalusot sa ilegal nga drugas. (AYB)


Source: Sun.Star Superbalita (https://www.sunstar.com.ph/article/1867254/Superbalita-Cebu/Balita/Mga-motor-stop-gimando-ni-Ligan?ref=rss&format=simple&link=link)

No comments