Recent Posts

Breaking News

Mga internet cafe sa Sugbo padayong sirado bisan abli na sa kaulohan


DILI tugotan ni Mayor Edgardo Labella nga moabli og balik karong panahon sa general commumity quarantine (GCQ) ang mga internet cafe sa dakbayan sa Sugbo.

Kini bisan nihatag na og signal ang Department of Trade and Industry (DTI) nga makabalik na og operate ang nahisgutang establisemento gumikan sa hulga sa transmission sa Covid-19.

“In so far as Cebu City is concern, I will not allow the opening of internet cafe’s yet because I made an inspection, it is very difficult to impose social distancing because many of our internet cafe’s are very compact. There is really a need to have an observance of the minimum health protocol,” padayag ni Labella.

Ang Inter Agency Task Force nitugot sa pag-abli sa testing ug tutorial centers, review centers, gyms, fitness centers and sport facilities, internet cafes, personal grooming, aesthetic services, pet grooming, ug drive-in cinemas diin 30 porsiyento sa ilang kapasidad ang gitugot.

“I will not allow yet not unless we can be assured that the set up in the internet cafes are compliant with the minimum health requirements because usually most of the customers are school children who are also prohibited to go outside from their respective homes during this time,” paghulagway sa mayor.

Si Labella nabalaka nga kon tugotan nga maka-operate ang mga internet cafes diin magtapok ang sagad sa mga batan-on, mao na usab kini ang hinungdan sa lain pagkuyanap sa virus sanglit gihulagway sa mayor base sa iyang nakita sa mga internetan nga maghuot ang mga tawo.

Nasayran nga nauso ang online gaming hnungdan nga daghang mga batan-on ang maghugop sa internet cafes labina ning panahon nga wala klaro ang klase tungod sa kuwarentina. (PAC)


Source: Sun.Star Superbalita (https://www.sunstar.com.ph/article/1865687/Superbalita-Cebu/Balita/Mga-internet-cafe-sa-Sugbo-padayong-sirado-bisan-abli-na-sa-kaulohan?ref=rss&format=simple&link=link)

No comments