Recent Posts

Breaking News

Medical frontliners makadawat og P10K allowance sugod Agusto


NAGTRABAHO kaba sa mga pribadong ospital sa dakbayan sa Sugbo ug niatiman sa mga pasyente sa Covid-19?

Ang kagamhanan sa siyudad sa Sugbo mohatag kanimo og tag P10,000 gikan sa Agusto hangtod sa Oktubre, 2020.

Kini ang gipahibawo ni Mayor Edgardo Labella human giaprobahan sa City Council ang resolution ni Konsehal Raymond Garcia nga nagtugot sa mayor paghatag sa kantidad.

Ang Ramon Aboitiz Foundation Incorporated (RAFI) maoy gi-partner sa City Government kinsa mao sab ang makig-alayon ngadto sa private hospitals para pagkuha sa mga pangalan sa medical health frontliners.

“We will be giving them as a form of incentives worth P10,000 per month from August to October of around 2,000 medical health workers in private hospitals in the City of Cebu who’s name will be determined and submitted by RAFI to the City Treasurer’s Office,” padayag ni Labella.

Ang mayor niingon nga nahunahunaan niyang mohatag sa mga medical frontliner sanglit naluoy siya gumikan sa karisgo sa ilang trabaho apan ubos ra ang ilang sweldo.

“They are frontliners, they are our modern heroes who are risking their lives against this pandemic brought by Covid-19 and their salaries are only little over 1/2 of what our government medical health workers are receiving.” dason ni Labella.

Si Garcia sa iyang bahin nagkanayon nga nagkasabot na sila ni Labella, City Accounting ug CTO nga posibleng ipaagi sa banko ang paghatag sa maong incentives para dili na kinahanglan nga moadto sa City Hall ang medical frontliners. (PAC)


Source: Sun.Star Superbalita (https://www.sunstar.com.ph/article/1867162/Superbalita-Cebu/Balita/Medical-frontliners-makadawat-og-P10K-allowance-sugod-Agusto?ref=rss&format=simple&link=link)

No comments