Recent Posts

Breaking News

Labella nangandam sa epekto sa ordinansa batok malapason sa kuwarentina


Gipatawag ni Mayor Edgardo Labella ang lainlaing buhatan ug ahensiya sa gobyerno kagahapon, Agusto 14, isip preparasyon sa pag-epektibo sa ordinansa nga magsilot ngadto sa mga quarantine violators sa dakbayan sa Sugbo sugod karon, Agusto 15.

“This is in connection with the City Ordinance imposing sanctions and penalties for who violate the minimum health requirements like non-wearing of mask, non observance of social distancing, mass gatherings and all other protocols imposed by IATF,” padayag ni Labella.

Kon sa nakalabay nga upat ka buwan, parosaryuhon, exercise ug community service ang silot sa mga quarantine violators lang, karon mahimo nang ma-priso o pamultahon.

Base sa ordinansa nilang Tumulak, Raymond Garcia, Phillip Zafra nga giaprobahan sa konseho pinangulohan ni Bise Mayor Michael Rama, ang makonbikto mapriso og 30 ka adlaw o multa nga dili molapas sa P5,000 depende sa hukom sa korte.

Lakip sa gipangandamanmao ang prisuhan. / PAC


Source: Sun.Star Superbalita (https://www.sunstar.com.ph/article/1867008/Superbalita-Cebu/Balita/Labella-nangandam-sa-epekto-sa-ordinansa-batok-malapason-sa-kuwarentina?ref=rss&format=simple&link=link)

No comments