Recent Posts

Breaking News

Gusto ni Labella: Partisipasyon sa SK


GUSTO ni Mayor Edgardo Labella nga mahimong aktibo ang Sangguniang Kabataan (SK) sa 80 ka barangay sa pakigbatok sa dakbayan sa Sugbo sa Covid-19 ug pagkuyanap sa gidiling drugas.

Ang pamahayag giluwatan ni Labella sa Huwebes, Agusto 20, atol sa pagpanghatag sa tag P1 milyon nga financial assistance ngadto sa pasiunang 13 ka mga SK kansang pundo naaprohahan na niadtong tuig 2019.

“You are the young people at this point where we have this trying times. I think you are in the best position to help the city, our people in fighting this invisible enemy. That is why when I learned about this, I said we should not hesitate to give and now our young people are being involve in fighting against this pandemic,” padayag ni Labella sa atubangan sa 13 ka mga SK chairperson.

Ang mayor nihulagway nga ang kabataan maoy paglaum ug kaugmaon sa nasod.

Niawhag siya sa SK nga mokoperarar ug motabang sa mga opisyal sa barangay ug sa mga opisyal sa siyudad sanglit dako pa kaayo sila og panahon sa pagtabang.

“I think, the young people like you, are in the best position rather than us who are senior citizens (already) because you are still full of energy and you are very much concern..,” dason ni Labella.

Si Jessica Resch, SK chairperson sa San Nicolas Proper ug SK Federation President, nagkanayon nga iyang hatagan og pundo gikan sa P1 milyon nga gikan sa siyudad ang patas nga kahigayonan sa mga batan-on sa dekalidad nga edukasyon, livelihood, Covid-19 response ug pagpaklgbatok sa illegal drugs.

Ang iyang buhatan motabang usab ngadto sa ubang mga barangay kinsa wala pa makakumpleto sa mga rekisito nga gipangayo sa City Accounting Office sama sa pag-abli og bank account sa Landbank of the Philippines (LBP) ug uban pa para ilang makuha ang ilang ayuda gikan sa dakbayan. (PAC)


Source: Sun.Star Superbalita (https://www.sunstar.com.ph/article/1867628/Superbalita-Cebu/Balita/Gusto-ni-Labella-Partisipasyon-sa-SK?ref=rss&format=simple&link=link)

No comments