Recent Posts

Breaking News

Gubat sa Covid sa Bangsamoro region


GIHULAGWAY nga ang Bangsamoro sa Autonomous Region in Muslim Mindanao (Barmm) usa sa labing lisod ug sagad mangiwit sa mga kalambuan sa nasud.

Gikabalak-an sa humanitarian community ang mga pamilya ug kabataan nga nag-antos sa kalisod ilabi na niining pag-ulbo sa Covid-19 pandemic.

Sa maong pakig-gubat sa coronavirus disease ang frontliners nga gilangkuban sa health workers ug humanitarian community ang nahimong sundawo sa tinguhang pagpuhag sa Covid.

Si Dr. Alicia Macmac, rural health unit officer sa Lumba Bayabao, Lanao del Sur nagkanayon nga lahi kining gubat nga gi-atubang dili sama sa ISIS nga makita ang kontra sukwahi sa virus nga mihamok sa tibuok kalibutan.

Dakong hagit sa health care workers sa maong dapit ang pagpugong nga mokatap pag-ayo ang inpeksiyon

“As government-run hospitals face shortages of critical supplies to help contain the spread of the virus, UNICEF is providing disinfection supplies, tents, personal protective equipment, and infection prevention and control training for community health workers, sanitary engineers and inspectors,” pamahayag ni Macmac nga napatik sa UNICEF.org.

SERBISYO

Si Nuriel Haron, midwife sa Barmm Ministry of Health mipahibawo nga gikinahanglan silang mogawas aron mo-abag sa pagsulong sa giyera batok Covid bisan pa man nga risgo sa ilang kinabuhi ug pamilya.

Sumala pa ni Haron nga dili niya maagwanta sa pagsud-ong sa iyang konstituwente sa kalisdanan nga gi-atubang, ug siya nagkanayon nga og dili siya motabang si kinsa pa man?

Samtang ang komunidad naningkamot pinaagi sa pagbolontaryo sa ilang serbisyo sa kampanya batok Covid-19 diin dili kinahanglan nga usa ka health worker aron makaluwas og kinabuhi atol sa pandemic.

Si Abdul Rauf Lumabao, 20, ang mibolontaryo uban sa iyang mga higala nga mitabang sa pagbantay sa checkpoint diha sa ilang barangay sa Cotabato City.

Ang ilang misyon mao ang pagsusi niadtong mosulod – gawas sa ilang barangay kon adunay bitbit nga quarantine pass.

Matod ni Lumabao, ang ilang gihimo agi og suporta sa kagamhan aron masiguro nga misunod ang ilang tagi-baragay sa health and safety protocol nga gipatuman.

U-REPORT

Dako og natampo si Rauf sa ilang komunidad nga nagsilbing modelo sa “force for change” sa Bangsamoro region gumikan sa iyang dedikasyon sa pagpahibawo mahitungod sa kadaot o epekto sa Covid-19 sa ilang komunidad.

Usa na niini, ang pagpuhag sa nagpakatap og peke nga balita nga nanggawas nga nakapalibog sa mga tawo.

Gamit ang U-Report usa ka youth engagement tool sa Unicef diin mamahimong makakuha ug mapa-ambit ang mga inpormasyon ug ubang mahinungdanon nga balita o pahibalo.

Samtang ang rural health doctor sa munisipyo sa Piagapo, Rasmia Lawi nagkanayon nga gikinanglan nga tataw nga pagpahibawo ngadto sa publiko sa mga gipatuman nga nasudnon ug lokal nga guidelines mahitungod sa sitwasyon.

“Now we are having a tough time dealing with Covid-19. It’s tiring and terrifying at the same time but this is the life I’ve chosen. I’m grateful and proud of my staff doing great service for the people despite having limited protective gear and the risks to themselves. Our purpose in life actually saves lives,” sumala pa ni Dr. Lawi.

Si Myrna Jo Henry, coordinator sa Humanitarian Emergency Action Response Team nga wa na nila huna-hunaa ang peligro sa ilang trabaho sa pagtubag sa krisis.

“We should move together as one country, as one Bangsamoro. If your role is to stay at home, then please do it because you are helping the frontliners do their job easier,” dugang pa ni Myrna.

UPDATE

SA labing uwahing talaan sa mga kaso sa Covid base sa World Health Organization (WHO) diin ang confirmed cases mitala na sa kapin sa 22 milyones ka tawo, total deaths: 781,366; total recovered: 14,128,748.

Samtang ang Pilipinas adunay 169,213 total cases, 112,861 recoveries ug 2,689 ang nangamatay, base sa data sa Department of Health base niadtong Agusto 19.


Source: Sun.Star Superbalita (https://www.sunstar.com.ph/article/1867595/Superbalita-Cebu/Balita/Gubat-sa-Covid-sa-Bangsamoro-region?ref=rss&format=simple&link=link)

No comments