Recent Posts

Breaking News

Globe Telecom mitubag sa panawagan sa Liloan


PASPAS, maayo ug kasaligan nga internet connection kabahin na sa kalamboan sa ekonomiya ning panahon sa digital generation.

Isip lider nga dako og panglantaw sa kalamboan sa iyang dapit, si Liloan Mayor Christina Frasco nanawagan sa tanang telephone companies (telcos) sa pagpalambo sa ilang signal sa lungsod pinaagi sa pagbarog og cell site.

Gusto sa mayor maabot og signal sa komunikasyon ngadto sa kabarangayan sa bukirang dapit aron mapalambo dili lang ang agrikultura, lakip na ang turismo.

Wala napakyas ug nalipay si Mayor Frasco human unang nitubag sa iyang panawagan mao ang tinahod nga ang Globe Telecom.

Niadtong Agusto 10, Lunes, ang Globe uban sa mga opisyal sa lungsod pinangulohan ni Mayor Frasco nangulo sa groundbreaking rites sa bukirang dapit sa Barangay San Roque nga nahimotang sulod sa world-class nga golf course.

Matod ni Mayor Frasco, sukad niadtong 2016 damgo na niya ang pagpalambo sa connectivity sa mga bukirang barangay sa lungsod.

Mao usab kini ang dugay nang hangyo sa mga lumolupyo sa hilit nga barangays sa telcos kaniadto pa ug karon, nahimong katumanan tungod sa Globe.

“It’s high time we bring development to the high mountainous parts of Liloan, which is one of the most beautiful and very rich in resources here in our town. Let’s bring equal opportunity to them, the same opportunities our lowland barangays enjoy,” matod ni Frasco.

Dugang ni Frasco nga ang Public-Private Partnership tali sa Liloan ug Globe nagseguro sa kalamboan nga mahatag sa kagamhanan sa tibuok lungsod.

Malaumon usab siya nga ang Globe mahimong importanteng kaabag sa Liloan sa pagpangita sa non-traditional ways sa pagdumala sa Covid-19 pandemic.

Sa iyang bahin, si Joel Agustin, Globe SVP for Program Development, Network Technical Group, niingon nga ang installation sa Globe tower sa layong dapit sa Liloan kabahin sa tumong sa kompaniya sa paghimo sa teknolohiya nga maabot sa tanan.

“Our network roll out will eventually help Liloan to have more opportunities especially that it has begun to face the new normal with a headstrong attitude. The cell site will eventually help the students of Liloan face the challenges of blended learning in the new school year,” matod ni Agustin.

Bisan sa iyang mga hagit sa lokasyon, ang Liloan usa labing most advanced municipalities sa nasod.

Unang lungsod nga dunay online medical consultation aron pagseguro sa minus nga kontrak ug physical distancing.

Ang Liloan dunay kaugalingong online app sa paghatag sa aksyon sa mga lumolupyo sa pagsubay ug paghimo og pamatigayon. (RRM, PR)


Source: Sun.Star Superbalita (https://www.sunstar.com.ph/article/1867156/Superbalita-Cebu/Balita/Globe-Telecom-mitubag-sa-panawagan-sa-Liloan?ref=rss&format=simple&link=link)

No comments