Recent Posts

Breaking News

Ex-convict gipusil, gidunggab, patay


PATAY ang usa ka ex-convict gipusil samtang nagluto sa iyang panihapon sa ilang balay sa Sitio Kurbada, Barangay Maloray, lungsod sa Dalaguete niadtong Lunes sa alas 7:00 sa gabii, Agusto 17.

Apan pagkaugma, Agusto 18, na sa alas 9:00 sa buntag nataho sa kapulisan gumikan sa kalayo sa dapit.

Ang biktima mao si Marcelino Millan, 51, ulitawo, mag-uuma, ex-con ug nagpuyo sa naasoy nga dapit.

Si Major Pedy Noval, hepe sa Dalaguete Police Station nga nahinabi sa Sunstar Superbalita Cebu, niingon nga shotgun ang gigamit sa mamumuno apan gitiwasan kini sa pagluba gamit ang mahait nga butang.

Nagtuo si Noval nga buot maseguro sa mamumuno nga patay busa gidunggab kini.

“Wa ni siya makabantay didto sa kusina gipalusot sa suspetsado ang sumbuhan sa pugakhang nga armas nga gigamait,” dugang sa hepe.

Narekuber sa crime scene ang kabhang sa bala sa shotgun.

Si Noval nga nagtuo nga gipanimaslan ang biktima kinsa katulo na kahigayon nga nagsulod gawas sa bilanggoan sa kasong murder.

Ang mga silingan lagyo sab kaayo kay tagtunga sa kilometro ilang distansiya sa panimalay.

Dugang sa mga silingan nga nakadungog sila og sa buto nianang Lunes sa gabii apan pagka sa buntag nakit-an nga nga patay ang biktima. (GPL)


Source: Sun.Star Superbalita (https://www.sunstar.com.ph/article/1867624/Superbalita-Cebu/Balita/Ex-convict-gipusil-gidunggab-patay?ref=rss&format=simple&link=link)

No comments