Recent Posts

Breaking News

Di mag mask, shield multahan


KON moadto kag Santander, habagatang Sugbo, pagbantay kay makamulta kag hangtod sa P2,500 kon di ka mag sul-ob og face shield ug mag face mask.

Mao kini ang kamandoan nga giluwatan ni Santander Mayor Marites Buscato sa Agusto 20, 2020 subay sa Municipal Ordinance (MO) No. 8-2020-1 ug MO No. 8-2020-5.

Sugod Septembre 1, gikinahanglan nga ang tanan nga mga empleyado ug mga bisita nga moduaw sa mga opisina sa barangay sa Santander gikinahanglan nga mag sul-ob sa kompleto nga ekipo panagang sa sakit. Ang kamandoan subay sa pagsaka usab sa mga kaso sa coronavirus disease 2019 (Covid-19) sa lungsod.

Sa unang kalapasan, P500 ang multa samtang sa ikaduha P1,500. Ang mao nga polisiya ipatuman na unya sa mga tindahan sa lungsod. (ANV)


Source: Sun.Star Superbalita (https://www.sunstar.com.ph/article/1867629/Superbalita-Cebu/Balita/Di-mag-mask-shield-multahan?ref=rss&format=simple&link=link)

No comments