Recent Posts

Breaking News

Barangay Pasil mipalit na og disinfection chamber


NIPALIT og disinfection chamber ang Barangay Pasil, Siyudad sa Sugbo para sa mga residente o dili nga mosulod sa ilang barangay.

Si Pasil Barangay Captain Julius Guioguio nga nahinabi sa Superbalita Cebu niingon nga aprobado sa konseho ang maong chamber hinungdan sila nakapalit niini. Mokantidad og P45,000 ang disinfection chamber nga gihimo sa usa ka commercial establishment nga gipalit sa barangay.

Dugang ni Guioguio nga gipalit sa Barangay Pasil ang maong aparatu aron makahatag og tabang sa mga pasilanon nga maluwas sa maong virus.

Ang tanang tawo dili pasudlon sa entrada sa barangay kon dili moagi sa maong aparatu,Sa pag-disinfect sa kaugalingon mosulod sa chamber nga usa ka kwadrado.

“Ang imong buhaton lang ang imong tuo nga palad itunong sa sensored nga maoy mo detect aron mogana,Sa imong pagsulod mo buga na siya ug likido sama sa asu apan dili makabasa,” matod ni Guioguio.

Nagtuo si Guioguio nga sa ilang gipalit nga aparatus makasiguro sila nga dili maka sulod ang virus sa Covid-19 ug ubang kagaw sa ilang barangay.

Duha pa lang sa 80 ka barangay sa Sugbo ang mipalit niini, lakip ang Barangay Cogon Pardo. (BBT)


Source: Sun.Star Superbalita (https://www.sunstar.com.ph/article/1867510/Superbalita-Cebu/Balita/Barangay-Pasil-mipalit-na-og-disinfection-chamber?ref=rss&format=simple&link=link)

No comments