Recent Posts

Breaking News

Bana naghikog human asawa gipusil


NAOSPITAL ang usa ka misis kahuman gipusil sa iyang bana tungod sa selos niadtong alas 3 pasado sa hapon sa Agusto 8, 2020 sud sa ilang balay sa Sitio San Vicente, Barangay Liloan, Ormoc City.

Namatay ang bana human magpusil sa kaugalingon samtang ang asawa nga si Joyce (di tinuod nga ngan), 39, minyo, usa ka overseas Filipino worker ni-survive sa ospital.

Si Doming (di tinuod nga ngan), namatay sa samad pinusilan sa ulo.

Base sa report sa Ormoc City Police Office, usa ka concerned citizen ang mi-report sa kapulisan nga dunay pagpamusil nga nahitabo sa lugar ug daling girespondihan.

Base sa imbestigasyon, nag-away ang magtiayon tungod sa pagduda sa bana nga dunay lain ang iyang asawa.

Dugang sa imbestigasyon, nikuha sa iyang pistola ang bana ug gipusil og kaduha ang iyang misis tumong sa baba.

Human sa pagpusil sa misis, nagpusil usab sa kaugalingon si Doming tumong sa ulo.

Ang duha daling gidala sa ospital, apan gideklarar nga dead-on-arrival si Doming samtang si Joyce naa na sa luwas nga kahimtang. (JKDP)


Source: Sun.Star Superbalita (https://www.sunstar.com.ph/article/1866826/Superbalita-Cebu/Balita/Bana-naghikog-human-asawa-gipusil?ref=rss&format=simple&link=link)

No comments