Recent Posts

Breaking News

Bambi Beltran gidakop sa RACU 7 sa kasong cyber libel


Ang Cebuana artist ug negusyante, Maria Victoria “Bambi” Beltran, gidakop sa mga sakop sa Regional Anti-Cyber Crime Unit (RACU) 7 mga alas 9:30 sa Miyerkules sa buntag, Agusto 12, 2020, sud iyang buhatan sa Kukuk’s Nest sa Gorordo Avenue, Dakbayan sa Sugbo.

Si Police Colonel Marlo Castillo, pangu sa RACU 7, niingon nga si Beltran ilang gidakop pinasikad sa warrant of arrest sa kasong cyber libel nga giisyu ni Cebu City Regional Trial Court (RTC) Branch 11 Judge Ramon Daomillas pinetsahan og Hulyo 21, 2020.

Ang kaso dunay piyansang P10,000.

Si Beltran gipasakaan og kasong cyber libel sa Cebu City Legal Office tungod sa iyang post kalabot sa mga kaso sa coronavirus disease sa Barangay Luz, Dakbayan sa Sugbo.

Ang post gitangtang ni Beltran, apan nabasahan na kini ni Mayor Edgardo Labella. (GPL)


Source: Sun.Star Superbalita (https://www.sunstar.com.ph/article/1866695/Superbalita-Cebu/Balita/Bambi-Beltran-gidakop-sa-RACU-7-sa-kasong-cyber-libel?ref=rss&format=simple&link=link)

No comments