Recent Posts

Breaking News

ASF mas mikatag pa; Kidapawan nasudlan


NORTH Cotabato -- Mas milapad pa ang pagkatag sa African Swine Fever (ASF) sa probinsiya kung diin niabot na kini sa siyudad sa Kidapawan.

Kini mismo ang gikompirma ni Department of Agriculture (DA-12) Regional Executive Director Arlan Mangelen.

Giigo sa ASF ang Barangay Linangcob sa Kidapawan City base sa nakuha nga blood sample sa mga binuhing baboy.

Direkta nga ipatuman sa DA-12 ang "5-7-10 protocols" o pagpailawom sa culling activity sa mga binuhing baboy sa Kidapawan City nga duol ASF infected area.

Dako ang pagtuo ni Mangelen nga gikan sa chorizo o karne sa baboy nga kontaminado sa ASF ang kagaw unya ang salin niini gisagol sa lamaw ug gibahog sa baboy.

Gitakda sab nga ipailawom sa culling activity ang mokabat 300 ka binuhing baboy sa Brgy. Linangkob.

Nanawagan ang opisyal sa publiko nga magtinabangay aron dili na mokaylap sa ubang dapit ang ASF.

Una nang giigo sa ASF ang Magpet ug mitapon ngadto sa Arakan ug sa President Roxas sa maong probinsiya. (EEF)


Source: Sun.Star Superbalita (https://www.sunstar.com.ph/article/1867191/Superbalita-Davao/Balita/ASF-mas-mikatag-pa-Kidapawan-nasudlan?ref=rss&format=simple&link=link)

No comments