Recent Posts

Breaking News

‘All-in-one’ app alang sa mga residente sa Liloan gilusad


ANG lungsod sa Liloan milusad Miyerkules, Agusto 19, sa LiveLoveLiloan App, mobile app nga naghiusa serbisyo sa contact tracing, online medical consultation, electronic transport system, ug platform for information exchange ug assistance tali sa publiko ug local government unit (LGU).

Usa kini sa mga programa ug mga proyekto ni Mayor Cristina Frasco alang sa padumala sa lungsod subay sa digital nga henerasyon isip pundasyon sa han-ay ug paspas nga kalamboan

Ang matag residente hatagan og iyang Resident ID QR code nga mahimo sa epektibong contact tracing ug mas kasaligan ngn monitoring ug pagtunol sa ayuda sa kagamhanan.

Bahin sa Covid-19, ang location data sa user amhimong ma-tag kon usa sa napaduol sa dunay positibing kaso o potential carrier.

Kini dakong abag sa Liloan Covid-19 Operations Center sa pagtumbok sa hotspots, daling pag-ila sa kutay sa panagtakod, paglain ug pagseguro sa pagpanalipod ug pagsanta sa pagpasa sa virus.

Ang LiveLoveLiloan App dunay transport monitoring nga gitawag og LET’S Go!, minugbo sa Liloan Electronic Transport System nga maghatag sa mga residente sa real time information sa availability ug lokasyon sa sa public utility buses (PUB) ug vehicles (PUV).

Pinaagi sa Global Positioning Devices (GPS) nga ibuang sa PUBs ug PUVs, tang mga sumasakay magiyahan kon usang orasa nga tukmang moagi sa sa ilang dapit ug moabot sa destinasyon.

Kini ug uban pang serbsiyo nga magamit pinaagi sa app. nga gipalambo sa Ride Hero, Inc. nga gikasabot sa kagahanan sa Liloan. (PR)


Source: Sun.Star Superbalita (https://www.sunstar.com.ph/article/1867627/Superbalita-Cebu/Balita/All-in-one-app-alang-sa-mga-residente-sa-Liloan-gilusad?ref=rss&format=simple&link=link)

No comments