Recent Posts

Breaking News

917Ventures, AC Health sa bag-ong healthcare app


SA kasamtangang pandemic, dili sayon sa mga Filipino sa pagkuha sa maayong healthcare.

Dunay kalangay sa pagpangutana og medikal nga patabang tungod sa kahadlok sa virus sa pag-adto sa klinika o parmasiya.

Ang healthcare providers, sa pikas bahin, nag-atubang og dakong hagit sa pagdumala sa kadaghan sa pasyente nga naningkamot nga ang tanan matagaan og maayo sa tukma nga panahon.

Ang 917Ventures, labing dako nga corporate incubator sa Pilipinas nga bugtong gipanag-iya sa Globe, nakighiusa sa AC Health sa paghatag og solusyon sa naasoy nga mga problema.

Ang kolaborasyon sa duha hinungdan sa pagkahimugso sa HealthNow, usa ka all-in-one health app nga motabang sa mga Filipino sa pagkuha og healthcare nga gipanginahanglan sa bisan unsang orasa ug bisan asa.

Uban sa HealthNow, ang mogamit o users kahimo sa pagkonsulta sa doktor pinaagi sa video, pagpalit og medisina nga ihatod lang ug pag-book sa klinika ug lab appointments.

Ang mobile app gipaluyohan sa gahom sa pasilidad sa 917Ventures ug AC Health, naglakip sa KonsultaMD, FamilyDOC, Healthway, ug Generika.

Ang mobile app mahimong ma-download sa Google Play ug App Store in August.

“When COVID-19 struck the country, there has been a massive shift in consumer behavior from passive to active participation in health, creating more demand for convenience and transparency,” matod ni Issa Cabreira, 917Ventures Managing Partner.

Dugang niya, “Since it is our mission to solve the most prevalent problems plaguing the Philippines, we found it necessary to prioritize the delivery of healthcare to our fellow Filipinos who are in need of medical attention especially in this trying time.”

Ang HealthNow pasiunang nagtanyag og website sa paghatag og free video teleconsultation gikan sa volunteer doctors.

Kapin na sa 11,000 ka pasyente ang ning-patient request ang nadawat ug kapin sa 100 volunteer doctors ang naghugop gikan sa Abril ngadto sa Hunyo ning tuuiga.

Ang pagsuway nagpamatuod sa panginahanglan sa pasyente ug doktor nga kinahanglan nga digitally connected alang sa maayong healthcare.

Samtang, dili na maihap ang pag-atiman sa medical nga serbisyo pinaagi sa telemedicine diin giduso sa Department of Health (DOH) isip pamaagi sa pagpaluag sa mga opiral sa non-critical cases ug pagsanta sa pagkaylap sa Covid-19, labi na sa dunay bililhon nga panglawas. (PR)


Source: Sun.Star Superbalita (https://www.sunstar.com.ph/article/1865646/Superbalita-Cebu/Balita/917Ventures-AC-Health-sa-bag-ong-healthcare-app?ref=rss&format=simple&link=link)

No comments