Recent Posts

Breaking News

8 anyos sa Talisay gi-Covid; apil sa 8 ka mga bag-ong kaso


Sa labing uwahi nga natala sa nagpositibo sa coronavirus disease 2019 (Covid-19) sa Dakbayan sa Talisay sa Agusto 12, 2020, usa ka 8 anyos nga taga Barangay Dumlog ang labing bata sa walo ka labing bag-ong kaso.

Kon walo ang natala nga nagpositibo sa Covid-19 sa siyudad, duna usay lima ka mga Talisaynon ang nakarekober.

Samtang nasuta nga wa na usay kaso sa Covid ang Talisay City Jail Barangay Tanke, San Roque, Tabunok, Pooc, Manipis ug Jaclupan.

Sa kinatibuk-an, niabot na sa 802 ka mga kaso ang Syudad sa Covid-19 ug dunay 658 nga nakarekuber.

Anaa na lang sa 52 ang aktibong kaso sa Covid nga gi-monitor karon sa Talisay City.

Sa 802 ka mga kaso, 83 ang nangamatay, apan sa siyam niini, sutaon pa kon Covid-19 ba ang nakapatay.

Sa mga dapit sa Lalawigan sa Sugbo, ang Dakbayan sa Talisay usa sa tulo nga ubos sa general community quarantine samtang ang ubang mga lugar hagbay rang ubos sa modified general community quarantine. / BBT


Source: Sun.Star Superbalita (https://www.sunstar.com.ph/article/1866991/Superbalita-Cebu/Balita/8-anyos-sa-Talisay-gi-Covid-apil-sa-8-ka-mga-bag-ong-kaso?ref=rss&format=simple&link=link)

No comments