Recent Posts

Breaking News

3 anyos napusilan sa maguwang, kritikal


NAA sa kritikal nga kahimtang ang usa ka 3 anyos nga batang lalake human aksidenteng napusilan sa iyang 6 anyos nga maguwang lalake sa alas 9:20 sa buntag sa Miyerkules, Agusto 12, 2020 sa sityo Lamac, Barangay New Bago, Asturias.

Ang mga bata taga Colonia, Asturias.

Matod sa Asturias Police nga ang maguwang nakakupot sa airgun kun pusil nga de bomba nga iyaha sa apohan sa mga bata nga si Paterno Parone Macapaz sa sityo Lamac.

Ang de bomba nga dunay bala nga dyolin napabuto sa maguwang nga niigo sa ulo sa iyang manghod.

Ang 3 anyos daling gidala sa Vicente Sotto Memorial Medical Center (VSMMC) ug naa sa kritikal nga kahimtang samtang nag-ungot ang dyolin sa ulo.

Gisusi pa sa kapulisan ang mga sirkumstansya sa trahedya nga nasugatan sa pamilya sa duha ka mga bata./GPL


Source: Sun.Star Superbalita (https://www.sunstar.com.ph/article/1866807/Superbalita-Cebu/Balita/3-anyos-napusilan-sa-maguwang-kritikal?ref=rss&format=simple&link=link)

No comments