Recent Posts

Breaking News

Yanong mamumuo nakadawat og ayuda kang Paolo Duterte


MOKABAT sa 1,000 ka mga yanong mamumuo ang nakadawat og food packs ug cash aid niadtong Lunes, Hulyo 6, didto sa Davao People's Park.

Ang programa usa ka kolaborasyon sa buhatan ni First District Representative Paolo Duterte ug sa Department of Labor and Employment (DOLE) diin anaa sa mokabat kapin kun kulang 1,400 ka mga yanong mamumuo ang nakadawat og cash assistance ug food packs.

Gilangkuban ang marginalized workers (yanong mamumuo) sa mga barbero, parlorista, ug mga masahista kinsa nakadawat og cash assistance gikan government's assistance program ubos sa impak sa national health emergency gumikan sa coronavirus disease (Covid-19).

Ang registered beneficiaries nakadawat og P3,960 cash assistance base sa programa sa DOLE nga Tulong Panghanapbuhay sa Ating Disadvsntage/Displaced Workers (Tupad).

Gawas sa cash assistance, ang mga staff ni Duterte nang-apud-apod sab og food packs ngadto sa mga beneficiaries nga mga displaced workers sama sa jeepney ug tricycle drivers.

Ang distribution sa food packs naka-pukos sa "poorest of the poor" gikan sa 54 barangays sa unang distrito. Ang buhatan sab sa kongresista nakaplano na sa lain pang hugna sa paghatag og ayuda sa yanong mga mamumuo sa mosunod nga mga adlaw. (Jeepy P. Compio)


Source: Sun.Star Superbalita (https://www.sunstar.com.ph/article/1862740/Superbalita-Davao/Balita/Yanong-mamumuo-nakadawat-og-ayuda-kang-Paolo-Duterte?ref=rss&format=simple&link=link)

No comments