Recent Posts

Breaking News

Unipormeng multa sa di mag-mask giduso


MGA lokal nga kagamhanan nagkasabot sa pagpalabang og mga ordinansa nga magsilot sa mga tawo sa di pagsul-ob og masks gawas sa balay diin sila masilutan sa pagbilanggo og 10-30 ka mga adlaw o multa hangtod sa P5,000, matod sa Department of the Interior and Local Government (DILG).

Si DILG Secretary Eduardo Año niingon sa Miyerkules, Hulyo 22, 2020 nga ang mga local chief executive nagtuki atol sa bag-o lang tigom sa pag-umol sa uniform policy aron pagsilot sa mga makalapasa sa quarantine protocol, labina sa di pagsul-ob og masks.

“Magkakaroon na kami ng uniform implementation kung papaano ipapatupad ‘yung health standards... number of days in prison kapag nag-violate ka ng hindi pagsuot ng mask. We suggest 10 to 30 days, physical distancing also 10 to 30 days imprisonment,” matod ni Año atol sa virtual pre-Sona forum ug press conference.

“Kung ikaw naman ay ipa-fine, it’s about P1,000 to P5,000. So ‘yan ‘yung magiging uniform implementation natin,” dugang ni Año.

Si Presidente Rodrigo Duterte nimando sa kapulisan sa pagdakop sa mga tawo nga di magsul-ob og masks gawas sa ilang mga balay ingon man kadtong wa magpraktis og social distancing. diuha sa mga health protocol nga gitumong aron mapugngan ang pagpanakod sa Sars-CoV-2,nga maoy nagdala sa coronavirus disease 2019 (Covid-19).

Si Lieutenant General Guillermo Eleazar, commander sa Joint Task Force (JTF) Covid Shield, niingon nga ang mga local government unit (LGU), labina ang mga barangay, kinahanglan moseguro nga ang mga residente sa ilang mga dapit motuman sa mga health protocol.

Ang task force mao ang nag-unang tigpatuman sa quarantine protocol.

Si Eleazar niingon nga ang mga LGU, pinaagi sa ilang Public and Order and Safety Personnel, ug mga barangay, pinaagi sa ilang mga tanod, dunay mahinungdanong papel sa pagpatuman sa minimum health safety protocol labina sa pagpahigayon sa regular nga pagpatrolya sa mga agianan, karsada ug pampublikong mga lugar sa ilang mga komunidad.

“Since police forces are not enough to guard every street of the country, the barangay tanod is of great help as force multipliers in the maintenance of peace and order,” nagkanayon si Eleazar.

“While the implementation of quarantine rules is challenging as more people are allowed to go out under GCQ (general community quarantine) and MGCQ (modified GCQ), the strict implementation of local ordinances down to the barangay level will boost the enforcement of quarantine rules,” dugang niya. (TPM, SunStar Philippines)


Source: Sun.Star Superbalita (https://www.sunstar.com.ph/article/1864440/Superbalita-Cebu/Balita/Unipormeng-multa-sa-di-mag-mask-giduso?ref=rss&format=simple&link=link)

No comments