Recent Posts

Breaking News

Ulitawo nalitson sa sunog


KIDAPAWAN CITY -- Napaig na ang lawas sa ulitawo human maapil sa nasunog nga balay alas 3:15 sa hapon niadtong Martes, Hulyo 14.

Giila ang biktima nga mao si Paulo PeƱalosa, 23, nagpuyo sa Barangay Anick, Pigcawayan sa probinsiya sa North Cotabato.

Sa taho gikan sa Bureau of Fire Protection (BFP)-Pigcawayan, nasayran nga kalit lang misilaob ang dakong kalayo sa balay nga gipuy-an sa ulitawo.

Gisulayan pa sa pagluwas ang biktima sa iyang mga silingan apan pakyas sila gumikan naugdaw na ang gipuy-an niini.

Napaig na ang lawas sa ulitawo nga nakaplagan sa mga imbestigador sa BFP-Pigcawayan.

Nasayran nga nag-inusara lamang ang biktima sa balay sa iyang ginikanan nga niadtong panahona tua sa ilang uma.

Posible matud pang nakatulog ang ulitawo sa dihang nahitabo ang pag-ulbo sa kalayo hinungdan nga wala na siya makalingkawas.

Hinuon, imbestigasyon sa kapulisan sa Pigcawayan Municipal Police Station ug BFP nagpadayon aron nga matumbok ang hinungdan sa sunog. (Edgar E. Fuerzas)


Source: Sun.Star Superbalita (https://www.sunstar.com.ph/article/1863611/Superbalita-Davao/Balita/Ulitawo-nalitson-sa-sunog?ref=rss&format=simple&link=link)

No comments