Recent Posts

Breaking News

Tuburan dili na Covid-free


SUILD sa upat ka bulan na wala'y kaso sa Covid-19 ang Lungsod sa Tuburan nakatala sa ilang unang kaso karong Huwebes, Hulyo 2, 2020.

Sa opisyal na pamahayag sa Muncipal Mayor sa Tuburan na si Hon. Danilo M. Diamante ang unang kaso sa lungsod mao ang 36 anyos na lalaki na trabahante sa Dakbayan sa Mandaue. Mi uli ang maong pasyente sa Tuburan niadtong Hunyo 24, apan wala kini makauli dayon sa ilang panimalay tungod kay kinahanglan kining mo paubos sa mandatory na 14 ka adlaw na pag kwarantina.

Gipasalig sa mayor sa Tuburan na na isolate na ang maong pasyente ug padayon ang pag contact tracing sa mga direct contacts.

Mi-hangyo usab si Diamante sa tanang residente na kanunay mo sunod sa mga health protocols sama sa pag sulob og face masks, kanunay na pag panghinaw ug pag sunod sa saktong social distancing.

Gi hangyo usab niya na dili mag sigeg gawas-gawas sa panimalay kung wala'y importanteng tuyo sa gawas. (Rebecah S. Roberts)


Source: Sun.Star Superbalita (https://www.sunstar.com.ph/article/1862252/Superbalita-Cebu/Balita/Tuburan-dili-na-Covid-free?ref=rss&format=simple&link=link)

No comments