Recent Posts

Breaking News

Senado mosusi sa namatay sa Covid-19 sa Bilibid Prison


SI Senate President Vicente Sotto III niingon nga ilang gisusi ang taho nga daghang piniriso sa National Bilibid Prison (NBP) patay sa coronavirus disease 2019 (Covid-19).

“It’s an insider report. I already asked Secretary Guevarra (Department of Justice Secretary Menardo Guevarra). He is still verifying,” matod ni Sotto.

Dugang ni Sotto, iyang gitumbok ang taho bahin sa daghang piniriso, lakip sa high-value detainees, namatay sa Covid-19 ug gi-cremate.

Ang listahan naglakip sa nakombikto nga drug lords.

Ang report nagkanayon nga ang Eastern Funeral Homes sa Muntinlupa City, ang official funeral home maoy nagserbisyo sa namatay gikan sa Bureau of Corrections (BuCor), walay record sa namatay nga piniriso.

Apan si Panteon de Dasmarinas, usa sa mga opisyal sa crematoriums sa BuCor, dunay talaan nga nagpakita sa mga priso nga gipang-cremate niadtong Mayo 29 samtang duha sa Mayo 31.

Ang North Cemetery, sa laing bahin, niingon nga ang ubang namatay nga priso gi-cremate sa Hunyo 3.

Ang mga detalye sa taho nga pagkamatay ug cremation sa laing upat ka mga priso dili masubay, sumala sa taho.

Ang BuCor wala pa maka-update sa Covid-19 infections sa sulod sa pasilidad sukad sa Hulyo 1.

Sa Hulyo 14, si Justice Undersecretary Markk Perete niingon nga dunay nangasakit sa pasilidad sa BuCor sa Covid-19 nga anaa sa 343.

Sa 18 ka mga piniriso nga namatay, 15 niini gikan sa NBP samtang, ang tulo gikan sa Correctional Institute for Women (CIW) sa kaulohan. (SunStar Philippines)


Source: Sun.Star Superbalita (https://www.sunstar.com.ph/article/1864062/Superbalita-Cebu/Balita/Senado-mosusi-sa-namatay-sa-Covid-19-sa-Bilibid-Prison?ref=rss&format=simple&link=link)

No comments