Recent Posts

Breaking News

RTVM: 5th Sona ni Duterte live, dili edited


ANG ikalimang State of the Nation Address (Sona) ni Presidente Rodrigo Duterte sa Lunes, Hulyo 27, 2020, isibya nga live ug di kini i-edit, pasalig sa Radio Television MalacaƱang (RTVM).

“The event will be broadcast live, streamed live on Facebook and YouTube,” sulti ni RTVM executive director Demic Pabalan sa mga reporter.

“Hindi po edited. Verbatim po kung ano ‘yung events na nangyari,” si Pabalan nidugang.

Si Pabalan nihatag ning mao nga kaseguroan human nitumaw ang mga kabalaka nga ang pagpamulong ni Duterte edited na sa di pa i-broadcast.

Ang pagpamulong ni Duterte atubangan sa kasundaluhan sa Jolo, Sulu grabe ka edited sa wa pa gisibya sa telebisyon sa kagamhanan.

Ang Presidential Communications Operations Office (PCOO) sa sayo pa nipahibawo nga bugtong Presidential Broadcast Staff-Radio Television MalacaƱang ang tugotang makasulod sa House of Representatives aron pag-cover sa Sona.

Ang pribadong media organizations gidid-an sa pag-cover nga pisikal sa Sona.

Tanang broadcast-related requirements ipaagi sa RTVM.

Matod sa mga opisyal nga kini gibase sa rekomendasyon sa Inter-Agency Task Force for the Management of Emerging Infectious Diseases (IATF).

“I think, so far, that is the decision and I see no reason for, at the moment, to reverse that decision. As Demic said, it will be broadcast live and it will be shown also in Youtube and Facebook so that everyone can see naman,” matod ni House Secretary General Jose Luis Montale. (SunStar Philippines)


Source: Sun.Star Superbalita (https://www.sunstar.com.ph/article/1864436/Superbalita-Cebu/Balita/RTVM-5th-Sona-ni-Duterte-live-dili-edited?ref=rss&format=simple&link=link)

No comments