Recent Posts

Breaking News

Report sa negusyo sa Dole ipaagi na sa online; wa na kinahanglanang e-mail


KON sa pagsugod sa pagpangayo sa Department of Labor and Employment (Dole) 7 sa establishment report sa mga establisemento gipaagi sa e-mail, karon usa na lang kini ka website.

Sugod Hulyo 8, 2020, mamahimo nang makasumiter ang mga establisemento sa ilang requirements gikan sa ilang panimalay o buhatan.

Si Dole 7 Regional Director Salome Siation nipahibawo sa employers nga mobisita ra sa https://reports.dole.gov.ph/ ug sundon ang mga pamaagi sa pagsumiter sa establishment reports.

“Clients will just have to sign up the establishment profile at the website and then submit establishment report on flexible work arrangement or alternative work scheme; temporary closure; retrenchment or reduction of workforce; and permanent closure.

They don’t have to e-mail us anymore,” matod ni Siaton.

Usa ning Dole Establishment Report System nga gihimo sa gobyerno aron masuta sa ahensiya kon unsa ang estado sa mga establisemento subay niining pandemic nga nasinati karon ingon man aron mapangitaan og paagi nga matabangan sa gobyerno.

“The Dole sees to it that the delivery of services is continued while minimizing physical contact and possible health risks for its clients and its workforce as well. So for this new online report system, we advise all employers to start making use of it,” si Siaton nagkanayon.

Alang sa mga kompaniya nga wala pa nakarehistro sa Dole online registration, mobisita ra sila sa website ug i-click ang Register Your Company Now button.

Kinahanglan nga morehistro ang mga kompaniya aron makasulod ug maka fill-up kini sa Establishment Report Forms.

Samtang kadtong mga kompaniya nga nakarehistro na, mo-login ra aron makasumiter sa report forms. “The SSS number and the Tax Identification Number of the establishment are also needed in the submission of report forms. Upon logging in, they just have to click the report form to be submitted,” si Siaton nagkanayon.

“We are urging all employers to make use of the system as we attempt to make their reporting or submission of documents to the Dole not only more convenient but also safer,” dugang niya.

Ang infographic sa Establishment Report System makita usab sa website ug FB Page sa Dole 7. (HBL)


Source: Sun.Star Superbalita (https://www.sunstar.com.ph/article/1863161/Superbalita-Cebu/Balita/Report-sa-negusyo-sa-Dole-ipaagi-na-sa-online-wa-na-kinahanglanang-e-mail?ref=rss&format=simple&link=link)

No comments