Recent Posts

Breaking News

'Pusher' patay sa buy-bust


NAMATAY ang usa ka lalake nga gibana-bana nga anaa sa 30 anyos ang edad human giingong nisukol atol sa anti-illegal drug operation sa kapulisan sa Sityo Mohon, Barangay Tisa, Siyudad sa Sugbo, Miyerkules sa hapon, Hulyo 15, 2020.

Si Police Captain Romeo Caacoy Jr., pangu sa Regional Drug Enforcement Unit (RDEU)-Central Visayas, niila sa suspetsadong durugista nga alyas Jepoy, taga Barangay Labangon.

Matod ni Caacoy nga ila pang gisusi ang tinud-anay nga ngan sa suspek.

Dugang ni Caacoy nga dunay usa ka nagpailang silingan sa suspek nga miduol kanila nga nitug-an sa ngan niini nga Franklin Sandoval, usa ka habalhabal drayber.

Apan di pa makompirmar ni Caacoy kon mao ba kini nga ngan.

Ang buy-bust operation gihimo sa gawas sa usa ka pribadong luna nga gihimong parkinganan sa mga sakyanan.

"Ang transaksiyon sa atong pusuer-buyer sa gawas ra actually,Nakabantay na siguro nga pulis na ang iyang nakaatubang kay nakabantay namo nga nagsunod, mao midagan didto pasulod sa maong luna.Ug nagpabuto siya. Maayo gali nga walay naigo sa amoa," dugang ni Caacoy.

Tungod niini, gibaslan sa mga pulis pagpusil si Jepoy hinungdan sa kamatayon niini.

Ang Scene of the Crime Operatives nakakuhag usa ka medium pack nga shabu, cell phone ug usa ka kalibre .45 nga pistola nga dunay duha ka mga bala ug motorsiklo.

Samtang si Philippine Drug Enforcement Agency (PDEA)-Central Visayas Director Levi Ortiz, sa interview sa Superbalita Cebu, mihulagway ni Jepoy nga high-value inidvidual tungod sa gilapdon sa iyang operasyon sa drugas.

Dugang ni Ortiz nga si Jepoy naapil sa ilang watchlist.

Ang buy-bust giabagan sa PDEA-Central Visayas ug Labangon Police Station. (BBT)


Source: Sun.Star Superbalita (https://www.sunstar.com.ph/article/1863617/Superbalita-Cebu/Balita/Pusher-patay-sa-buy-bust?ref=rss&format=simple&link=link)

No comments