Recent Posts

Breaking News

Paolo Duterte, DOLE-Davao nanghatag og ayuda


MOKABAT sa kapin kun kulang 1,200 ka mga yanong mamumuo kun mga marginalized workers gikan sa first district sa Dakbayan sa Davao ang nakadawat og cash assistance ug mga food packs gikan sa buhatan sa Office of the First District didto sa The People's Park, Lunes, Hulyo 20, 2020.

Pinaagi sa Office of the First District Representative Paolo “Pulong” Duterte uban sa kolaborasyon Department of Labor and Employment (DOLE), nahatagan og cash assistance ug mga food packs ang mga mamumuo nga apektado sa krisis sa coronavirus disease (Covid-19).

Ang maong mga mamumuo maoy naglangkob sa liboan ka mga benepisyaryo nga nakadawat og cash aid gikan sa gobyerno ubos sa programa nga Tulong Panghanapbuhay sa Ating Disadvsntage/Displaced Workers (Tupad).

Ang buhatan ni Rep. Duterte nagbutyag nga sila ang naglangkob sa 54 ka mga barangay sa 1st District ning dmakbayan kinsa natahasan sa ilang mga opisyal sa barangay nga manglimpyo gyod sa ilang panimalay aron mabatukan ang Covid-19.

Ang registered beneficiaries nga nakadawat og P3,960 cash assistance subay kini sa highest minimum wage sa DOLE sa Davao Region.

Gawas sa cash assistance, ang mga staff ni Duterte nang-apud-apod og tag 3-kilos nga bugas ug mga de lata ingon man noodles ngadto sa “poorest of the poor” sa 54 ka mga barangay sa first district. Jeepy P. Compio


Source: Sun.Star Superbalita (https://www.sunstar.com.ph/article/1864143/Superbalita-Davao/Balita/Paolo-Duterte-DOLE-Davao-nanghatag-og-ayuda?ref=rss&format=simple&link=link)

No comments