Recent Posts

Breaking News

Pagsinggit sakay sa roller coaster, gidili


MAO na ni ang usa ka paagi sa new normal resulta sa coronavirus pandemic ang gitawag og “silent scream” nga gipatuman didto sa duha sa mga amusement parks sa nasud sa Japan.

Ang maong amusement parks nga adunay rollercoasters mipagawas og instructional video sa husto nga paagi o mga angayang himuon sakay sa maong kalingawan atol niining panahon sa Covid-19.

Makita sa maong instructional video ang duha sa ka opisyal sa maong parks ang mipakita kon unsaon ang pagsinggit sa hilom nga paagi, samtang sakay sa naghaguros nga rollercoaster, mao ra ang pagtak-om sa baba samtang nagsul-ob og facemask.

“Now our customers stay silent while riding on rollercoasters. Please scream inside your heart,” pamahayag sa spokeswoman sa maong amusement park operator nga si Fujikyuko atol sa interview sa Agence France Presse.

Kini aron nga way mga laway nga motu-asik ug motapon ngadto sa laing rider aron malikayan ang pagtinakdanay sa virus. Sa kadtong dili makahimo sa maong paagi, ayaw nalang og patuga-tuga og sakay aron dili masilotan.

Misaad ang amusement operator niadtong makatuman sa maong “silent scream” adunay discount sa ilang pagpahulagway samtang nagsakay sa Fujiyama coaster.


Source: Sun.Star Superbalita (https://www.sunstar.com.ph/article/1864208/Superbalita-Cebu/Balita/Pagsinggit-sakay-sa-roller-coaster-gidili?ref=rss&format=simple&link=link)

No comments