Recent Posts

Breaking News

P.5M shabu nasakmit


KAPIN sa tunga sa milyon ka pesos nga kantidad sa shabu ang nasakmit atol sa drug operation sa Philippine Drug Enforcement Agency (PDEA) 7 sa Sityo Tahna, Barangay Tisa, dakbayan sa Sugbo niadtong Dominggo, Hulyo 5, pasado alas 3:00 sa hapon.

Si Jessie Cabutotan sa PDEA7 maoy nangulo sa operasyon ug ilang nasikop ang suspek nga si Juan Ermitanio, 35, taga Banawa, Barangay Guadalupe, siyudad sa Sugbo apan naa nagpuyo sa Tisa, dapit sa iyang asawa.

Laing duha pa ka mga minor nga nag edad og 16 anyos ang nadakpan atol sa samang buy-bust

Nasakmit gikan kang Ermitanio ang shabu nga gibanabana nga kapin tunga sa milyon base sa Dangerous Drugs Board (DDB) value nga maoy gitransak sa poseur buyer sa PDEA 7.

Dugang ni Cabutotan nga si Ermitanio ilang gi-monitor sulod lang sa tulo ka adlaw nga subsob nga monitoring sa drug personality nga gikonsiderar nga high value target human sakop kini sa Parba Drug Group nga naglihok sa siyudad.

Nasayran sa mga ahente sa PDEA 7 dayag ang pagpamaligya ni Ermitanio sa dapit bisan paman sa pagpatuman sa siyudad sa enhanced community quarantine (ECQ).

Apan ang dinakpan nihimakak nga iya kadtong mga nasakmit nga mga shabu nga giingong nakuha kaniya.

Dugang ni Ermitanio nga inay nag bag-o na kini human mapriso ug nakagawas lang sa milabay nga tuig.

Ang dinakpan uban sa duha ka mga minor de edad mag-atubang og kaso sa pagpamaligya o drugas samtang, ang duha ka 16 anyos paghupot sa mga gidiling drugas. (BBT)


Source: Sun.Star Superbalita (https://www.sunstar.com.ph/article/1862651/Superbalita-Cebu/Balita/P5M-shabu-nasakmit?ref=rss&format=simple&link=link)

No comments