Recent Posts

Breaking News

N. Bacalso sa may Bulacao buksan sa trapiko karong tungang gabii


BUKSAN na ang utlanan tali sa Dakbayan sa Sugbo ug Talisay sa Natalio Bacalso Avenue sa Barangay Bulacao sugod sa tungang gabii sa Sabado, Hulyo 18, apan matag Sabado ug Domingggo lang usab.

Sa alas 12:01 sa Sabado sa kaadlawon, Hulyo 18, buksan sa trapiko ang mao nga dalan, apan sirhan na usab kini og balik sa alas 12:01 sa kaadlawon sa Lunes.

Kini human mohangyo si Talisay City Mayor Gerald Anthony "Samsam" Jr. Gullas sa Inter-Agency Task Force (IATF) ug kang Gobernador Gwendolyn Garcia, nga giuyonan usab dayon nila.

Nabalaka si Gullas nga maghuot ang dagan sa trapiko sa Cebu South Coastal Road samtang gitrabaho ang bahin sa Cebu-Cordova Express Link sa may viaduct.

Nagpasalamat si Gullas kanila ni Garcia ug sa IATF sa pag-uyon sa iyang hangyo nga buksan ang mao nga dan matag weekend.

“Meaning, if you are working in the areas where businesses are allowed to open or if you are an authorized person outside of residence (Apor), you may pass the Bulacao side for Saturday and Sunday while the viaduct sa Cebu gitrabaho,” pahibawo ni Gullas.

Bisan pa niini, magpabilin ang checkpoint sa dapit. (BBT)


Source: Sun.Star Superbalita (https://www.sunstar.com.ph/article/1863841/Superbalita-Cebu/Balita/N-Bacalso-sa-may-Bulacao-buksan-sa-trapiko-karong-tungang-gabii?ref=rss&format=simple&link=link)

No comments