Recent Posts

Breaking News

N. Bacalso sa Bulacao gibuksan sa trapiko


GIBUKSAN na ang utlanan tali sa Dakbayan sa Sugbo ug Talisay sa Natalio Bacalso Avenue sa Barangay Bulacao sugod sa tungang gabii sa Sabado, Hulyo 18, apan matag Sabado ug Domingggo lang usab.

Sa alas 12:01 sa Sabado sa kaadlawon, Hulyo18, buksan sa trapiko ang mao nga dalan, apan sirhan na usab kini og balik sa alas 12:01 sa kaadlawon sa Lunes.

Kini human mohangyo si Talisay City Mayor Gerald Anthony Gullas sa Inter-Agency Task Force (IATF) ug kang Gobernador Gwendolyn Garcia, nga giuyonan usab dayon nila.

Matod pa ni Gullas nga sa dihang iyang nahibaw-an nga sirhan pag usab ang viaduct sa Cebu South Coastal Road aron trabahuon ang taytayan sa Cebu-Cordova Express Link (CCLEX), iyang gitawagan ang kadagkuan sa kapulisa ug Gobernador Gwendolyn Garcia.

Lain niyang gitawgan si retired Major General Melquiades Feliciano, deputy chief Implementer Visayas Inter-Agency Task Force, aron hangyuon nga maablihan lang ang karsada sa Barangay Bulacao sa Sabado ug Dominggo.

Gikalipay usab sa mayor nga sila nagkasabot ngadto na sa iyang hangyo.

“Meaning, if you are working in the areas where businesses are allowed to open or if you are an authorized person outside of residence (Apor), you may pass the Bulacao side for Saturday and Sunday while the viaduct sa Cebu gitrabaho,” butyag ni Gullas. (BBT)


Source: Sun.Star Superbalita (https://www.sunstar.com.ph/article/1863923/Superbalita-Cebu/Balita/N-Bacalso-sa-Bulacao-gibuksan-sa-trapiko?ref=rss&format=simple&link=link)

No comments