Recent Posts

Breaking News

Mortuary freezer van sa Mandaue miabot na


NAABOT na ang containerized mortuary freezer van sa dakbayan sa Mandaue aron himuong ekstensyon sa morgue o mortuary freezer sa Mandaue City Hospital.

Giinspeksyon ni Mandaue City Mayor Jonas Cortes ang maong freezer van nga kasamtangang nahiluna sa lungsod sa Consolacion.

Giplano nga ibutang ang maong freezer van sa Mandaue City Hospital.

Sigon ni Cortes nga tungod sa limitado nga espasyo sa mga pampublikong menteryo ug taas nga linya sa pagpa-cremate, ang maong freezer van dako nga ikatabang sa Mandauehanon nga mapreserba ang mga lawas.

Mokabat ngadto sa 40 ka lawas ang maakomodar sa maong van.

Nigasto ang syudad og P1.8 milyones alang sa maong van.

Prayoridad nga iakomodar sa freezer van ang mga taga Mandaue nga namatay tungod sa coronavirus disease 2019 (Covid-19).

Matod ni Cortes nga ang mga namatay tungod sa Covid-19 kinahanglan nga diretso kining malubong o ipa-cremate sulod lang sa 12 ka oras ngadto sa 24 ka oras.

Pinaagi sa gipalit nga freezer van dili na kinahanglan pa nga mobayad og P8,000 ngadto sa P10,000 matag adlaw ang pamilya sa mitaliwan na tungod libre lang ang serbisyo niini.

Matod ni Cortes nga tungod ang Rolling Hills Funeral Homes ang punerarya nga adunay crematorium sa Mandaue modawat lang og upat ka lawas nga i-cremate sa matag adlaw.

Ug tungod sa daghang nangamatay, dili lang tungod sa Covid-19 mutaas gyud ang linya sa mga magpa-cremate, kinahanglan pa nga magpaabot og lima ngadto sa pito ka-adlaw una ma-cremate ang lawas.

Nakig-alayon sab ang dakabayan sa Mandaue ngadto sa Rolling Hills Funeral Homes nga mohatag og libreng cremation alang sa mga indibidwal nga gikan sa pobre nga pamilya nga namatay sa Covid-19.

Sa laing bahin, pipila ka semana ang milabay, gipalabang sa konseho sa Mandaue pinaagi ni Mandaue City Counilor Nerissa Soon-Ruiz nga mihangyo sa Mayor nga magbutang na og freezer van sa dakbayan. (KFD)


Source: Sun.Star Superbalita (https://www.sunstar.com.ph/article/1862653/Superbalita-Cebu/Balita/Mortuary-freezer-van-sa-Mandaue-miabot-na?ref=rss&format=simple&link=link)

No comments