Recent Posts

Breaking News

Mga security manager sa malls ipatawag sa CCPO


OPISYAL sa kapulisan sa siyudad sa Sugbo makigtagbo sa mga security manager sa tanang malls aron pagtuki kabahin sa seguridad ubos sa modified enhanced community quarantine (MECQ).

Kini human mitugot na si Cebu City Mayor Edgardo Labella nga mahimo na nga maablig og balik ang dagkong malls nunot sa pagpaubos.

Ang mayor nakigtagbo na usab sa mga manedyer sa malls aron pagpahinudom sa protocol sa MECQ.

Ang pagpakigtagbo sa kapulisan sa security managers kabahin sa ilang pagpangandam sa paglatid sa seguridad labi na batok sa coronavirus disease 2019 (Covid-19).

Si Police Colonel Josefino Ligan, officer-in-charge sa Cebu City Police Office (CCPO), nagkanayon nga iyang ipatawag ang security managers sa mall aron masabtan kon unsay ilang buhaton kung modagsa na ang mga tawo.

Ang security personnel na sa mall ang mopatuman sa health protocol sama sa social distancing sa mga kustomer, pagdili sa pagpasulod kung way gisul-ob nga face mask ug uban pa.

“So that maintindinhan nila, masabtan nila nga ang primary rule lies on their part,” matod ni Ligan.

Si Ligan mismo maoy mosusi sa gipatuman nga seguridad sa mga mall security atol sa unang adlaw sa pagbukas na sa ilang tindahan.

Kung adunay makita nga daw sa nag pabaya lang ang mall officers, mohimo kinig report ngadto sa buhatan ni Labella ug irekomendar nga pasirhan ang maong tindahan tungod kay wala motuman sa health protocol.

“We will be going to the malls to check on the compliance of minimum health standard requirement. If we see and if we notice na wala nila matuman na then we can make a report address to the mayor for their closure,” dugang ni Ligan.

Adunay giandam nga team ang CCPO aron mosusi sa malls ug misaad si ligan nga andam sila nga mopadalag mga pulis alang sa police visibility sa tindahan. (AYB))


Source: Sun.Star Superbalita (https://www.sunstar.com.ph/article/1863911/Superbalita-Cebu/Balita/Mga-security-manager-sa-malls-ipatawag-sa-CCPO?ref=rss&format=simple&link=link)

No comments