Recent Posts

Breaking News

Mga kalihukan sa ika-500 nga sumad sa Kristiyanismo giuswag


ANG Catholic Bishops' Conference of the Philippines (CBCP) miuswag sa mga kalihukan sa ika-500 nga kasumaran sa pag-abot sa Christianity in the Philippines (500YOC) tungod sa coronavirus disease (Covid-19) pandemic.

Sa usa ka interview sa radyo, si CBCP Acting President Bishop Pablo David niangkon nga ang organizers nakahukom sa sa pag-usab sa kalendaryo sa mga kalihukan alang sa quincentennial celebration.

"Most of the celebrations will be a year-long celebration beginning next year and will culminate in 2022 already," nagkanayon si David. "Most of the activities have been pushed back by one year," dugang niya.

Laing kausaban nga ilang gisagop mao ang pag-uswag sa National Mission Congress. Inay ang lokal nga mga edisyon ipahigayon, matod niya.

"We just endorsed the holding of Diocesan Mission Congress if possible. The National Mission Congress will instead be held in 2022," matod ni David.

Matod niya nga ang mahinungdanon mao nga ang nasod makasaulog gihapon sa ika 500 nga kasumaran sa pag-abot sa Kristiyanismo sa nasod.

"Of course, the celebration of the 500 years of Christianity will continue whether there will be a mass gathering or not," dugang ni David.

Ang Marso 16, 2021 maoy tangkod nga petsa sa pagtimaan sa kasumaran sa pag-abot sa Kristiyanismo sa kabaybayunan sa nasod human sa Misa sa Limasawa Island.

Ang Archdiocese of Cebu gitakdang maoy mo-host sa daghang mga kalihukan sa kasaulogan. (HDT, SunStar Philippines)


Source: Sun.Star Superbalita (https://www.sunstar.com.ph/article/1864022/Superbalita-Cebu/Balita/Mga-kalihukan-sa-ika-500-nga-sumad-sa-Kristiyanismo-giuswag?ref=rss&format=simple&link=link)

No comments