Recent Posts

Breaking News

Mga doktor mipasabot nga wala magpaumento sa professional fee


DILI tinuod nga pag-umento sa ilang professional rates ngadto sa health maintenance organizations (HMOs), apan ang naulahi maoy nipataas ngadto sa 50 percent sa ilang kanhi bayad sa mga doktor.

Kini ang gipaklaro ni Dr. Karen Caudor, Philippine College of Physicians (PCP)-Central Visayas Chapter President, human ang kasayoran sa social media nga giingong ang mga doktor nagpaumento sa ilang bayad taliwala sa Covid-19 pandemic.

“The HMO(s) offered those rates. It’s their decision. (The) national PCP had a memorandum of agreement (MOA) with HMOs. The rates are stipulated in the memo,” matod niya sa text message nga gipadala sa SunStar Cebu niadtong Sabado, Hulyo 4, 2020.

Usa ka abogado ug kanhi Government Service Insurance System president Winston Garcia nipadayag sa Facebook sa iyang kasagmuyo sa advisory gikan sa PCP nga nagpahibalo sa ilang mga sakop sa pagpaumento sa ilang bayad ngadto sa 50 percent.

Sa iyang Facebook post niadtong Biyernes sa gabii, Hulyo 3, 2020, si Garcia niingon nga ‘disheartened;’ bahin sa advisory sa PCP human dili kini maayo, wala sa tayming ug “cruel and insensitive having been issued in the midst of crisis of tremendous sufferings” sa Filipinos.

“Look at how hospitals and their doctors have been overcharging poor and hapless patients with exhorbitant medical exams and fees under the guise of protection against the coronavirus,” tipik sa iyang post.

Si Dr. Bernard Chiew, chairman sa PCP national Committee on External Affairs, nitubag nga ang tubo sa professional fees dili ‘extra cost’ sa mga pasyente human kini abagahon sa mga HMO: the Association of Health Maintenance Organizations, Inc. (Ahmopi) ug Philippine Association of Health Maintenance Organizations Companies (Pahmoc.)

Ang Ahmopi ug Pahmoc mao ang insurance companies nga third party payors alang sa health services nga makuha sa ilang patient-members.

Matod ni Chiew, sa HMOs’ letters sa PCP, parehong organisasyon, ang karisgo ug dugang gasto sa mga doktor sa ilang personal protective equipment sa pag-atiman sa mga pasyente.

Agi og suporta sa PCP, ilang gipaumentohan ang PF rates. Ang PCP advisory sa ilang doctor-members.

Sa follow-up sa post ni Garcia, siya nagtuo nga kini nga mga doktor “missing the whole point.”

Matod niya, ang forefront sa gubat batok sa Covid-19 dili mo-justify o bisan sa pa-institute “to profit from it.”

“Everyone of us, in one way or another, are also in the forefront in this fight. From the business establishments who have to close shop, to the many of us who have to stop working and earning a living for our families, are all involve in this fight against the corona virus,” dugang ni Garcia.

“The only difference is, while the rest of us are carrying the heavy financial burden of this crisis, the medical community, particularly the doctors and hospitals are thriving from it,” dason sa post.

Si Chiew nagkanayon nga ang PCP ug Ahmopi/Pahmoc dunay memorandum of agreement (MOA) sukad sa 2009 (renewed every three years thereafter) diin naggiya sa duha ka partido sa ilang rights, privileges, responsibilities, ug professional fee rates ubos sa pagdumala sa HMO clients o patient-members.

Isip HMO members, matod ni Chiew, ang mga pasyente dili mobayad og PF sa mga doktor apan ang HMOs, sama sa PhilHealth Insurance Corp. ug ang gibuhat sa ubang private companies. (WBS, RRM)


Source: Sun.Star Superbalita (https://www.sunstar.com.ph/article/1862563/Superbalita-Cebu/Balita/Mga-doktor-mipasabot-nga-wala-magpaumento-sa-professional-fee?ref=rss&format=simple&link=link)

No comments