Recent Posts

Breaking News

Mga buhatan sa Danao City gisirhan, gi-disinfect


TEMPORARYONG gipasuspenso ni Danao City Mayor Ramon "Nito" Durano III ang tanan nga transaksyon sa City Social Welfare and Development Office (CSWDO) ug Business Permit and Licensing Office (BPLO) hangtod sa Hulyo 12, 2020.

Kini alang sa ipahigayon nga disinfection sa mga opisina aron malikayan ang pagkuyanap sa kagaw sa coronavirus disease (Covid-19).

Gipahibawo pinaagi sa social media post sa Danao City Government sa Hulyo 8, nga posibleng makabalik na sa Huwebes, Hunyo 9 ang transaksyon sa Opisina sa Mayor, City Human Resource Management Office (CHRMO), City Public Information Office (CPIO), City Administrator’s Office (CAO), AYUDA Office, City Legal Services Office (CLSO), Go Negosyo Center ug Strategic Management Support Office (SMSO).

Kana kon mahuman na ang paghinlo ug disinfection sa maong mga opisina.

"Rest assured that we are doing everything in our capacity to keep Danao City as safe as possible",matod ni Durano.

Base sa datos sa Siyudad sa Hulyo 7, moabot na og 35 ang mga positibong kaso sa Covid-19 , unom ang naka-recover, tulo ang namatay.(ANV)


Source: Sun.Star Superbalita (https://www.sunstar.com.ph/article/1862863/Superbalita-Cebu/Balita/Mga-buhatan-sa-Danao-City-gisirhan-gi-disinfect?ref=rss&format=simple&link=link)

No comments