Recent Posts

Breaking News

Magsuon tigbantay sa pantiyon gi-buy bust


DUHA ka mga managsuon nga lalake nga tigbantay sa mga pantiyon sa Chinese cemetery sa Barangay Carreta, nadakpan sa buy-bust mga alas 7 sa Huwebes sa gabii, Hulyo 2, sa Philippine Drug Enforcement Agency (PDEA)-7 nga giabagan sa Provincial Drug Enforcement Unit (PDEU) sa Cebu Police Provincial Office (CPPO).

Si IA3 Milva Mojado, kinsa maoy nangu sa anti-illegal drug operation sulod sa maong sam-ang, niila sa mga suspek nga sila si Danilo Fernandez Jr. , 38,ug maguwang niining si Dante, 41, pulos nagpuyo sa dapit.

Nasakmit atol sa buy -bust ang shabu nga gibana-banang mobalor og di mominos P700,000.

Matod ni Mojado nga duha ka mga semana nga ilang gimonitor ang managsuong Fernandez, kinsa ilang gikonsiderar nga mga high value target.

Si Danilo nanghimakak nga ilaha ang shabu kay gibilin ra kini niya sa usa ka tawo bugti sa P2,000 nga bayad.

Dunay laing tawo nga mokuha niini gikan kaniya ug nakurat na lang siya sa pag-abot sa anti-narcotics agents.

Ang duha naa sa gitanggong sa selda sa PDEA 7 samtang gihikay pa ang kaso batok kanila. (BBT)


Source: Sun.Star Superbalita (https://www.sunstar.com.ph/article/1862381/Superbalita-Cebu/Balita/Magsuon-tigbantay-sa-pantiyon-gi-buy-bust?ref=rss&format=simple&link=link)

No comments