Recent Posts

Breaking News

Liboan ka manindahay sa Carbon i-massive testing


NAGLARAW ang Inter Agency Task Force (IATF) sa dakbayan as Sugbo nga ipa-ubos sa Covid testing ang libuan ka mga vendor as Carbon market.

Gibutyag ni Dr. Michelle Linsalata, assistant department head sa City Health Department (CHD), nga human sa meeting sa IATF niadtong Lunes, Hulyo 27, 2020, nirekomendar si Dr. Jean Lorechie, chief pathologist sa DOH-7, nga aron masayran ang tinuoray nga sitwasyon sa labing dako nga merkado sa Sugbo ug preparasyon sab sa mga tawo sa pagdeklarar unya sa General Community Quarantine (GCQ) sa dakbayan gikinahanglang nga ipaubos sa massive testing ang mga manindahay.

“It is important man gud nga mahimo siya diha-diha dayon, before we revert back to GCQ and we are hoping by August 1 at least ang kadtong mga positive nga mga vendors ato nanang ma-isolate because if not, that will be the source of another infection,” pasabot ni Linsalata.

Apan ang testing kits nga gamiton alang sa ipahigayon nga rapid test kadtong mohaom sa makina nga anaa karon sa kustodiya sa Department of Health kansang resulta mahibaw-an sulod lang sa 45 minutos.

Ang Carbon market adunay 3,906 ka rehistradong stall holder, ambulant vendors, pushcart drivers ug wala pay labot ang ilang helper sa tindahan nga maoy motabang og baligya.

Matod ni Linsalata nga ila sab nga sutaon kon ang rapid test nga anaa sa kustodiya sa City Government mohaom ba sa makina sa DOH.

Ang magpositibo sa IgM maoy ipaubos sa swab test aron pagsuta kon natakboyan ba sa coronavirus disease ug aron sab nga ma-isolate gilayon.

Sa kadtong mga negatibo abg resulta ug IgG, sila ra ang tugotan nga makatinda.

Kon madayon ang maong laraw, ang City Government kinahanglanglan nga mogahin of dul-an P4 milyones para sa test kits sanglit ang LGU maoy gitahasan nga mopalit.

Base sa talaan sa DOH 7, nag anam na og ubos ang kaso sa nagpositibo sa Covid-19 sa dakbayan diin kagahapon, Hulyo 27 ang Cebu City aduna nalay 32 ka kaso, 23 sa Province of Cebu, siyam sa Lapu-Lapu ug 18 sa Mandaue City.


Source: Sun.Star Superbalita (https://www.sunstar.com.ph/article/1865131/Superbalita-Cebu/Balita/Liboan-ka-manindahay-sa-Carbon-i-massive-testing?ref=rss&format=simple&link=link)

No comments