Recent Posts

Breaking News

Lapu-Lapu City hall gi-disinfect; way transaksyong gidawat


WAY transaksyon sa Lunes, Hulyo 6, 2020, nga gihimo ang tanang mga buhatan sa Lapu-Lapu City hall kay nagpahigayon og disinfection.

Mga kawani gimandoan hinuon sa pag-report kay aron sila ang mangunay sa pag-disinfect sa ilang tagsa ka mga buhatan.

Duna untay sugyot nga i-lockdown ang city hall, apan wa kini buhata aron di mabalda ang dagan sa serbisyo sa Siyudad.

Ang sugyot gihimo human upat na ka mga opisyal sa Siyudad ang naigo sa coronavirus disease (Covid-19).

Kini naglakip kang Mayor Junard “Ahong” Chan, Konsehal Ricardo “Rico” Amores, Konsehal Janvi dela Cerna ug social welfare office head Annabeth Cuizon.

Samtang ang gi-disinfect lang nga dapit sa City Disaster Risk Reduction and Management Office mao ang common area.

Ang trabaho mobalik sa Martes, Hulyo 7. (GCM)


Source: Sun.Star Superbalita (https://www.sunstar.com.ph/article/1862611/Superbalita-Cebu/Balita/Lapu-Lapu-City-hall-gi-disinfect-way-transaksyong-gidawat?ref=rss&format=simple&link=link)

No comments