Recent Posts

Breaking News

Laing 2 ka barangay giisyuhag show cause orders


ANG Department of the Interior and Local Government (DILG ) 7 niluwat niadtong Huwebes, Hulyo 9, og show cause orders (SCOs) ngadto sa mga barangay kapitan sa Bulacao ug Capitol Site, Dakbayan sa Sugbo.

Sila ang ikalimang batch sa mga barangay official nga naisyuhan og SCOs sa DILG 7 tungod sa giingong kapakyas sa pagpatuman sa community quarantine guideline sud sa ilang mga hurisdiksyon.

Gihatagan sila og 48 oras nga makapasabot kon nganong wa silay tulubagon sa ilang kapakyas sa pagtuman sa ilang mga tahas isip local chief executive taliwa ning national health emergency.

Mga sakop sa Bantay Korapsyon sa DILG nga sila si manlalaban Louthera Christie Rizon ug Christian Fernandez mao ang ninghatag sa show cause orders kanila ni Bulacao Barangay Captain Rodrigo Jabellana ug Capitol Site Barangay Captain Manuel Guanzon ug sa ilang tagsa ka Sangguniang Barangay members.

Usa ka post nga nagpakita sa taas nga linya sa mga residente sa Bulacao atol sa distribution sa bugas humay nga wa mag-obserbar sa social distancing, kansang hulagway gisaw-an sa social media.

Sa Capitol Site, usa ka video ang gi-post sa usa ka concerned citizen sa social media nga nagpakita sa pipila ka mga residente nga nagpundo ug nagkaon gawas sa ilang balay, nga naa ra atbang sa barangay hall.

Duha ka mga tawo ang naa naglingkod sa entrance sa barangay hall apan wa tawga ang atensyon sa mga residente.

Ning pagsuwat, ang DILG nakaluwat na og 11 ka show cause orders ngadto sa mga barangay official sa Dakbayan sa Sugbo nga nagmando kanila sa pagpasabot sa ilang habig sa mga alegasyon. (WBS)


Source: Sun.Star Superbalita (https://www.sunstar.com.ph/article/1863257/Superbalita-Cebu/Balita/Laing-2-ka-barangay-giisyuhag-show-cause-orders?ref=rss&format=simple&link=link)

No comments