Recent Posts

Breaking News

Laing 12 nadugang sa kaso sa Covid-19 sa Talisay City


LAING 12 ka mga tawo ang nadugang karon nga nagpositibo sa coronavirus disease 2019 (Covid)-19 sa dakbayan sa Talisay kagahapon, Hulyo 19.

Kini base sa post sa Facebook page sa Talisay City Information Office.

Gikan sa Barangay Tabunok ang labing bag-ong kaso sa siyudad nga nakatala og upat kabuok sa nagpositibo sa Covid-19.

Sud sa 12 ka bag-ong kaso, adunay duha niini ang mitaliwan na.

Ang uban nga kaso gikan sa Barangay San Roque, Dumlog, Poblacion, Cansojong, Bulacao, Pooc, Lawaan 3 ug Lawaan 2.

Gihangyo gihapon ang tanan nga motuman sa safety protocol aron maminusan na gyud ang kaso sa makamatay nga virus. (BBT)


Source: Sun.Star Superbalita (https://www.sunstar.com.ph/article/1864093/Superbalita-Cebu/Balita/Laing-12-nadugang-sa-kaso-sa-Covid-19-sa-Talisay-City?ref=rss&format=simple&link=link)

No comments