Recent Posts

Breaking News

Kaso sa Covid miambak sa 93K kapin


ANG Department of Health (DOH) sa Biyernes, Hulyo 31, 2020, nitala og 4,063 ka bag-ong mga kaso sa coronavirus infection, nga maoy labing taas nga natala sa usa lang ka adlaw nga nihatod sa kinatibuk-ang mga kaso ngadto sa 93,354.

Sa ikaduhang sunodsunod nga adlaw, ang DOH nitaho og mga 4, 000 ka bag-ong mga kaso. Dunay 3,954 ka bag-ong mga kaso sa Huwebes.

Ang gidaghanon sa nangamatay niambak ngadto sa 2,000 sa pagtaho og 40 ka bag-ong nangamatay.

Ang recoveries nisaka ngadto sa 65, 178, lakip sa nadugang nga 165 nga natala sa Biyernes.

Kapin sa katunga sa bag-ong mga kaso kun 2,267 ang gikan sa National Capital Region (NCR).

Laing mga dapit nga dunay taas nga mga kaso mao ang Cebu nga dunay 564, Laguna dunay 200, Rizal dunay 123 ug Cavite dunay 117.

Sa dugang 40 nga nangamatay, 27 ang namatay sa Hulyo, duha sa Mayo, pito sa Abril ug duha sa Marso.

Ang breakdown sa mga dapit mao ang NCR nga dunay 13; Central Visayas nga dunay 12; Central Luzon pito; Calabarzon, Western Visayas ug Davao dunay tag duha; ug Mimaropa ug Zamboanga Peninsula tag usa. (SunStar Philippines)


Source: Sun.Star Superbalita (https://www.sunstar.com.ph/article/1865487/Superbalita-Cebu/Balita/Kaso-sa-Covid-miambak-sa-93K-kapin?ref=rss&format=simple&link=link)

No comments