Recent Posts

Breaking News

Kapulisan sa lalawigan gibansay sa pagpatuman sa health protocol


KAPULISAN sa probinsya sa Sugbo ang gikatakda nga ipaubos sa pagbansay sa health protocol ning buwana nunot sa pag-abli na sa mga destinasyon sa turismo sa lalawigan.

Si Gobernador Gwendolyn Garcia gipaabot nga moluwat og executive order ahin sa maong katuyoan.

Kini human sa sunodsunod nga consultative meeting sa mga stakeholders alang na sa pag balik sa operasyon sa mga tourist destination.

Subay sa MGCQ

Matod ni Police Colonel Roderick Mariano, hepe sa hepe sa Cebu Provincial Police Office (CPPO), nga atol sa gihimong tigom uban ang resort owners, aduna silay mga kasabutan nga angayan nga himuon aron mahimong hapsay ang pagbukas sa mga suroyanan subay sa protocol sa modified general community quarantine (MGCQ) sa lalawigan sa Sugbo.

Matod pa nga natuki sa miting ug nauyonan kini sa resort owners sama sa pag limit lang una sa pagdawat sa mga lokal nga bisita nga gustong maligo o mosuroy sa mga dapit nga dayohonon sa mga turista.

“So far the result of the consultative meeting ay ok naman. Amenable naman lahat yung ating stakeholders to follow the health standards na gagawin nila bago sila mag open,” matod ni Mariano.

Gipasalig niya nga ang iyang personnel andam na sa pagtabang aron masiguro ang kaluwasan sa mga mobisita sa mga accredited sa department of tourism nga resort sa probinsya.

Tourist police

Gani gisugdan na ang pag bansay sa ma sakop sa Tourist Police sa matag lungsod aron masayran kung unsa pa ang angayan nga buhaton isip safety and health officers sa matag lugar nga suroyanan sa mga lokal nga turista.

“Doon naman sa ating DOT accredited tourist spot mayroon naman tayong tourist police na available. So yung karamihan duon sa kanila ay mga trained na at yun nalang mag kakaroon nalang kami ng additional na mga seminars prior to the opening para ano pa ba yung dapat naming gagawin,” dugang ni Mariano.

Nasabutan usab sa Department of Tourism (DOT), Department of Trade and Industry (DTI) ug Gov. Garcia nga limitado lang una ang pagdawat sa mga bisita ug kinahanglan mo-book kini sa usa ka website kun portal una sila moadto sa ilang gusto nga adtoan nga lugar aron dili mag dasok ang mga tawo.

156 nangaayo

Samtang, moabot na sa 156 ka nga police ang nangaayo sa Covid-19, human nga laing 19 ka mga pulis ang naka-recover niadtong Lunes, Hulyo 20, ug gitakdang maka balik na sila sa ilang naandan nga trabaho.

Ang hepe sa Police Regional Office (PRO) 7 malipayon sa maong kalamboan dungan sa panghinaot nga aduna pay laing mga pulis ang maayo.

Gipasidunggan sa PRO 7 ang 19 ka mga police personnel ug mga non-uniform personnel nga nataptan sa Covid-19 apan human sa pipila ka semana nga gipanglaing na ayo na kini.

Sa talaan sa Regional Health Service (RHS) 7 moabot na sa 322 ka mga police sa tibuok rehiyon ang natakbuyan sa Covid-19 apan 156 na niini ang naka-recover na.

Tungod niini, matod ni Police Captain Richard Ibero sa PNP Health Service, ang maong mga police nga nag negatibo na sa virus ang mahimo na nga makabalik sa trabaho.

Si Police Brigadier General Albert Ignatius Ferro, hepe sa PRO 7, nga nakighinabi kanila pinaagi sa online communication nagpasalamat sa kahitas-an sa dali nga kaayohan sa iyang mga sakop dungan sa panghinaot nga madugangan pa kini.

Blood plasma

Gidasig niya ang 19 ka pulis nga modonar sa ilang blood plasma alang sa mga Sugboanon nga nataptan sa Covid-19 aron matabangan kini alang sa dinalian nga pagkaayo sa ilang sakit.

“Kamong recoveries, please share your blessings as you have been a more stronger person, stronger believer in God. I hope that it could help our fellow Sugboanon diri sa dakbayan sa Cebu, wherever your assigned at, and I encourage you to be part our makatao malasakit plasma donor program so that you could help extend the lives or save lives of Covid-19 patients here in Central Visayas,” matod ni Ferro.

Mipasalig

Mipasalig si Ferro sa mga pulis nga nagpadayon pa nga nakigbugno sa virus, ang PRO-7 dili mobiya kanila pinaagi sa pag-abag sa unsa man ang panginahanglan niini.

Aduna pay 172 ka personnel nga naa pa sa mga isolation center ug sa mga tambalanan nga gilauman sa heneral nga maka-recover na sa mosunod nga mga adlaw.

“We will not be leaving any men and women behind. We hope more recoveries sa atong mga kauban,” matod ni Ferro. (AYB)


Source: Sun.Star Superbalita (https://www.sunstar.com.ph/article/1864190/Superbalita-Cebu/Balita/Kapulisan-sa-lalawigan-gibansay-sa-pagpatuman-sa-health-protocol?ref=rss&format=simple&link=link)

No comments