Recent Posts

Breaking News

Kapitan, 53 nadakpan sa tigbakayan sa Tabogon gipangkasuhan


NAPASAKAAN na og kaso niadtong Hunyo 29, 2020 ang 53 ka mga tawo sa Barangay Kal-anan, lungsod sa Tabogon nga naatlan sa mga sakop sa Provincial Intelligence (PIB) Unit sa Cebu Provincial Police Office (CCPO).

Uban sa operasyon mao ang 1st Provincial Mobile Force Company (PMFC).

Matod ni Police Colonel Roderick Mariano, hepe sa CPPO, nga lakip sa ilang gipasakaan og kaso ang kapitan sa Barangay Kal-anan nga si Herberto Lobitaña human masuta nga kanunay ang tigbakay sa dapit ug wala kini makabadlong bisan pa man nga gipaubos pa ang tibuok probinsya sa general community quarantine (GCQ).

Nagtuo si Mariano nga nasayod si Lobitaña sa illegal nga kalihukan apan wala kini mohimo og aksyon aron mapakgang ang gihimo sa iyang mga konstituwente.

“As per report sa mga naglalaro duon a long time na nagkakaroon ng sabong duon so they don’t think so na hindi nya alam ang mga tigbakay duon sa area nya so kaya sinama na rin natin sya sa kaso,” psabot ni Mariano.

Kasong kriminal ug administratiba ang ipasaka sa kapulisan kang Lobitaña diin ila kining iduso sa lokal nga kagamhanan sa Tabogon.Matod ni Mariano sa barangay officials nga ning panahon sa pandemic kung adunay mabantayan nga nakalapas sa quarantine protocol sila na mismo ang mobadlong aron mapugngan pa ang pagkatap sa virus.

“It’s the responsibility ng mga barangay officials na if there’s a violation ng quarantine guidelines they should report it sa mga authorities immediately. Why is it when it is reported to us bakit nahuli namin lahat yung 53, dapat mag tutulongan yung barangay yung mga tao natin sa baba,” matod ni Mariano.

Giangkon niya nga kulang ang gidaghanon sa mga pulis aron mabantayan ang tanang illegal nga kalihukan sama na lang sa mga panagtapok atol sa kasaulogan sa tinuig nga pista nga komon sa lalawian.

Aduna matod pay nananghid nga molusad og mga programa sa ilang mga barangay tungod sa kapistahan apan hugot matod pa kining gidili tungod sa gipatuman nga quarantine protocol diin wala pay gitugotan nga mass gatherings.

Wala mag kulang kapulisan matod ni Mariano tungod kay kanunay sila nga nag pahibawo pinaagi sa pagrekorida sa kalungsuran nga hugot pa nga gidili ang mga panagtapoksa pagkakaron sa ECQ. (AYB)


Source: Sun.Star Superbalita (https://www.sunstar.com.ph/article/1862134/Superbalita-Cebu/Balita/Kapitan-53-nadakpan-sa-tigbakayan-sa-Tabogon-gipangkasuhan?ref=rss&format=simple&link=link)

No comments