Recent Posts

Breaking News

Inilogay sa NBA MVP human na


DILI na angay mopakita sa ilang dugang abilidad ang mga magduduwa sa National Basketball Association para ilang makuha ang labing prestihiyusong pasidungog nga malangkat sa usa ka magduduwa niining pagbalik sa aksyon karong Hulyo 31.

Ang NBA nipahibawo kagahapon nga dili na basehan ang nahabiling mga duwa sa NBA ang ikonsidera para sa mga postseason award ug ang pag-vote para sa mga pasidungog sama sa ALL-NBA, rookie of the year ug defensive player of the year hingpit nga makumpleto sa dili pa ang Hulyo 31 nga maoy pagsugod sa duwa sa Walt Disney World.

Ang binotohay ug ang piniliay hapit na mahuman apan ang lumbaanay sa postseason nagpadayon apan ang individual awards hingpit nang nakumpleto.

"The decision to exclude seeding games from awards voting ensures a fair process in which players and coaches from all 30 teams will have the same opportunity to be honored as top performers for the regular season," matod pa sa suwat sa NBA nga gipadala ngadto sa mga team.

Gikan sa 30 ka mga team, 22 ra kanila ang niapil sa NBA restart.

Gumikan sa maong desisyon resulta sa pandemia dala sa virus, hayan hayag na ang back-to-back MVP award ni Giannis Antetokounmpo sa Milwaukee Bucks kinsa maoy nilangkat sa maong award sa miaging season.

Si Antetokounmpo nilangkat sa MVP niadtong 2019 pinaagi sa iyang averaage nga 27.7 points ug 12.5 rebounds apan karon nga season ang reigning MVP nag-average og 29.6 points ug 13.7 rebounds para sa Bucks nga maoy naghupot sa best record sa NBA.

Si Zion Williamson kinsa nakaduwa lang og 19 ka games dili na moarangkada og maayo sa nahabiling duwa sa restart season para iyang apason ang frontrunner sa rookie of the year award nga si Ja Morant sa Memphis Grizzlies. (PAC)


Source: Sun.Star Superbalita (https://www.sunstar.com.ph/article/1864001/Superbalita-Cebu/Balita/Inilogay-sa-NBA-MVP-human-na?ref=rss&format=simple&link=link)

No comments