Recent Posts

Breaking News

Holding area sa airport andam na sa way negative results sa RT-PCR


ANDAM na ang lima ka mga holding area nga kaya sa 50 ka mga tawo ang anaa sud sa Francisco Bangoy International Airport sa Davao City alang sa mga pasahero nga miabot diin expired na ang ilang reverse transcription-polymerase chain reaction (RT PCR) swab test results.

Sila temporaryo nga i-hold dinhi samtang hulaton ang bag-o nga resulta una pa man makagawas sa airport.

Sumala ni Angel Sumagaysay, head sa Public Security and Safety Command Center (PSSCC), motiner una diri ang mga pasahero nga moabot nga expired ang ilang negative RT-PCR test result diin milapas na sa 72-hour requirement o ang wala gyud nakapa-test.

"Ginapaghandaan nato ni siya para sa katong mga pasahero nga mosulod sa Davao City nga walay negative result sa Covid test so didtoa na sila ibutang, i-RT PCR sila and then for the meantime, while waiting sa result, didtoa sila ipahumutang," sulti ni Sumagaysay.

Kahinumdoman nga daan nang gipahibalo sa lokal nga kagamhanan ning siyudad nga kung mosud sa Davao City sakay sa eroplano kinahanglan dunay dala nga negative RT-PCRswab test results.

Apan kon wala, ang mahitabo dili sila kagawas sa airport diin sila na ang moabaga sa pagbayad sa swab testing nga nagsugod Miyerkules, Hulyo 22, 2020.

Nasayran nga subay sa data sa City Epidemiology and Surveillance Unit ang taas nga kaso sa mga confirmed Covid-19 cases sa Davao City mga air travelers gikan sa Manila ug Cebu.


Source: Sun.Star Superbalita (https://www.sunstar.com.ph/article/1864411/Superbalita-Davao/Balita/Holding-area-sa-airport-andam-na-sa-way-negative-results-sa-RT-PCR?ref=rss&format=simple&link=link)

No comments