Recent Posts

Breaking News

Hard lockdown sa 5 ka Cebu City barangays gilibkas sa IATF


GILIBKAS na sa Inter-Agency Task Force (IATF) ang hard lockdown sa mga sityo sa lima ka mga barangay sa Dakbayan sa Sugbo, Hulyo 12, 2020.

Si Atty. Ian Kenneth Lucero, pangulo sa Department of the Interior and Local Government (DILG) Cebu City, nibutyag nga wa wa nay hard lockdown sa sityo Zapatera sa Barangay Luz, Villagonzalo sa Barangay Tejero, Alaska sa Barangay Mambaling, Callejon sa Labangon ug usa ka sityo sa Barangay Bacayan.

Ang mao nga mga dapit kanhi taas og mga kaso sa coronavirus disease (Covid-19).

Matod ni Lucero nga gipahibawo na nila si Mayor Edgardo Labella, kapulisan ug barangay kapitan.

Apan bisan kon gilibkas na ang hard lockdown, estrikto gihapon nga ipatuman ang protocol ug guidelines sa enhanced community quarantine.

Sa paglibkas sa hard lockdown, ang DILG ang dunay gahom, di na ang local chief executive. (PAC)


Source: Sun.Star Superbalita (https://www.sunstar.com.ph/article/1863363/Superbalita-Cebu/Balita/Hard-lockdown-sa-5-ka-Cebu-City-barangays-gilibkas-sa-IATF?ref=rss&format=simple&link=link)

No comments