Recent Posts

Breaking News

Guidelines sa hinabang sa LSI giandam sa Cebu City


GIANDAM na sa Cebu City Government ang guidelines isip pangandam sa pag-release sa financial assistance alang sa mga locally stranded individual (LSI) nga anaa sa Dakbayan sa Sugbo.

Si Konsehal Joel Gargnera, deputy chief implementer sa Inter-Agency Task Force (IATF) Emergency Operations Centger sa Cebu City, nitug-an sa Superbalita Cebu nga ipagawas na ugma, Hulyo 22, sa Department of Social Welfare and Services (DSWS) ug City Treasurer’s Office )CTO) ang guidelines nga maglatid kinsa sa mga LSI ang angay nga makadawat ug mga pamaagi unsaon sa pagkobra ang hinabang alang kanila.

Gipaasabot usab sa konsehal nga di kabubut-on sa Cebu City Government nga di papaulion ang mga LSI panahon sa enhanced community quarantine (ECQ) ug modified (ECQ) sanglit kabubut-on kini sa IATF national.

Kon mopauli usab sila, di sila dawaton sa mga local government unit (LGU) nga ilang padulngan.

Laing problema kay way barko nga gitugotan nga mobiyahe hinungdan nga wa silay kasakyan sa pag-uli.

Ang biyahe sa LSI gisuspenso sa IATF human masuta nga daghan kanila maoy nagdala sa Sars-CoV-2, kagaw sa coronavirus disease (Covid-19) sa ilang gipauliang dapit.

Di tanan

Bahin sa ayuda, giangkon ni Garganera nga di ang tanan nga LSI maoy nakadawat gumikan kay di paigo ang pundo alang sa hinabang.

Siya nipasabot nga nakasinati usab ang mga residente sa Cebu City og kalisdanan sukad sa quarantine.

Ang Siyudad makaduha na ka hugna nga nanghatag sa matag barangay og pundo, wa pay labot sa gipangpalit niining mga sinakong bugas ug de lata nga gipang-apod-apod sa mga residente sa 80 ka mga barangay. (PAC)


Source: Sun.Star Superbalita (https://www.sunstar.com.ph/article/1864215/Superbalita-Cebu/Balita/Guidelines-sa-hinabang-sa-LSI-giandam-sa-Cebu-City?ref=rss&format=simple&link=link)

No comments