Recent Posts

Breaking News

'Gahi’g ulo' nga sabungero gipang-priso


TINGKAGOL sa prisohan ang duha ka mga lalaki kinsa naatlan sa nagpatrolya nga kapulisan sa Buhangin Police Station nga nagtari-tari alas 12:45 sa udto niadtong Dominggo didto sa Purok 11, Barangay Wa-an, Buhangin District, Davao City.

Ang mga gikustodiya sa kapulisan mao sila Jamael Patoray Gaus, 45, taga San Francisco Street, Laverna Hills subdivision, Barangay Cabantian ug si Mojanid Palawan Aminoden, 25, taga Marawi City ug anaa nagpuyo sa Orchids Street, Buhangin.

Wala na kadagan ang duruha dihang naabtan gyud sa motorcycle cops nga nagtari-tari diin nakuha sa ilang posisyon ang mga pangsabong nga manok ug ang ilang pusta nga P340.

Giandam na sa kapulisan ang kaso nga ipasaka kanila didto sa korte.


Source: Sun.Star Superbalita (https://www.sunstar.com.ph/article/1864144/Superbalita-Davao/Balita/Gahig-ulo-nga-sabungero-gipang-priso?ref=rss&format=simple&link=link)

No comments