Recent Posts

Breaking News

Frasco mihatag og scholarships sa 560 ka tinun-an sa Camotes


DUL-AN sa 560 ka mga tinun-an gikan sa upat ka mga lungsod sa isla sa Camotes, Cebu ang nakadawat og scholarship gikan ni 5th District Cong. Vincent Franco ‘Duke’ Frasco.

Sa iyang Facebook post, Sabado, Hulyo 4, 2020, si Frasco nagkanayon nga ang Duke scholarship program nag-apud-apod sa P2.3 million nga bili sa scholarships sa mga lungsod sa San Francisco, Poro, Tudela, ug Pilar.

Matod niya, ang scholarship moabaga sa bayad sa enrollment ug panginahanglan sa tunghaan.

“To help our #youth adjust to life in the new normal, we have kept our commitment to prioritizing #EDUCATION in the 5th District by distributing over Php 2.3 Million in scholarships to all 4 Municipalities in the Camotes Islands,” tipik sa post ni Frasco.

Dugang niya ang pag-apud-apod sa scholarships nalangay sukad sa Marso tungod sa pagpatuman sa enhanced community quarantine nga hinungdan sa limitado nga paglihok.

Dihang ang probinsiya nipaubos na sa modified general community quarantine, nakahimo na siya sa pagtuman sa iyang saad ngadto sa edukasyon sa mga batan-on.

“Recovering from the ravages of Covid-19 will be difficult. What’s important is that we move forward with caution, and as we do, help our youth heal and give them the confidence to still accomplish their dreams,” dason ni Frasco. (WBS)


Source: Sun.Star Superbalita (https://www.sunstar.com.ph/article/1862561/Superbalita-Cebu/Balita/Frasco-mihatag-og-scholarships-sa-560-ka-tinun-an-sa-Camotes?ref=rss&format=simple&link=link)

No comments