Recent Posts

Breaking News

Ex-con nga nag-probation nasikop na sab sa buy-bust sa PDEA 7 sa Gorordo


KANHI piniriso sa kasong pagbaligya ug paghupot og illegal nga drugas nadakpan na sab Philippine Drug Enforcement Agency (PDEA) sa usa ka buy-bust sa Huwebes sa gabii, Hulyo 16, 2020.

Si IA1 Mario Purtogal sa PDEA 7, nangu sa buy-bust sa Gorordo Avenue, Dakbayan sa Sugbo pasado pasado alas 7 sa gabii sa Huwebes, niila sa suspek nga si Lyndon Uy, 38, taga Sityo Buli, Barangay Kamputhaw, Siyudad sa Sugbo.

Matod ni Purtogal nga si Uy makonsiderar nga high value inividual tungod sa gidaghanon sa drugas nga nasakmit gikan kaniya.

Moabot sa 50 gramos nga shabu ang nasakmit gikan kang Uy nga mobalor og P340,000 base sa Dangerous Drugs Board (DDB) value.

Dugang ni Portugal nga si Uy makabaligya og shabu nga 100 gramos matag adlaw.

Si Uy niangkon nga kanhi na siya nadakpan sa kapulisan niadtong 2018 ug naka apply sa plea bargaining niadtong Nobiyembre 2019.

Kasong paglapas sa Comprehensive Dangerous Drugs Act of 2002 ang atubangon ni Uy, kinsa naa pa sa probation sa unang kaso sa illegal drugs nga iyang giatubang.

Samtang sa lungsod sa Compostela, gikatahapang drug pusher nakuhaag binultong drugas ug armas atol sa buy-bust niadtong Lunes sa alas 5:45 sa hapon, Hulyo 13m 2020 sa Purok 8, Brgy. Cabadiangan.

Si Jose “Jongjong” Wagas, 29, ulitawo, giilang HVI, napusasan sa Drug Enforcement Unit (DEU) nga gipangulohan ni Captain Vincent Zozobrado, hepe sa Compostela Police Station.

Si Zozobrado, nga nahinabi sa Superbalita Cebu nagkanayon nga si Wagas ilang gipalitag usa ka medium nga putos sa shabu balor og P1,000.

Dihang natigayon, ilang nasikop ug nakuhaan paog laing tulo ka dagkong outos sa shabu, usa ka paltik nga .38 kalibreng revolver nga dunay tulo ka mga bala ug drug paraphernalia.

Ang drugas mitimbang og 18 gramos nga mobalor og P122,400 base sa DDB value.

Matod pa ni Zozobrado nga si Wagas makabaligya og usa ka kilo nga drugas matag semana.

Ang iyang contact gikan sa Cebu Provincial Detention and Rehabilitation Center (CPDRC) nga drug surrenderer sa lungsud.(BBT, GPL)


Source: Sun.Star Superbalita (https://www.sunstar.com.ph/article/1863905/Superbalita-Cebu/Balita/Ex-con-nga-nag-probation-nasikop-na-sab-sa-buy-bust-sa-PDEA-7-sa-Gorordo?ref=rss&format=simple&link=link)

No comments